Arantza Quirogari egindako 25 galderak

25 euskal herritarrek Arantza Quiroga Euskadiko PPko presidentea zuzenean galdekatzeko aukera izan dute ETB-2ko ‘Euskadi pregunta’ saioan. Hona hemen Quirogak erantzun dituen 30 galderak:

1-Begoña Bericua (62 urte, Bilbo; aurretik erretiratua)

Zure buruzagitzapean, igarriko al dugu aldaketarik Euskadiko PPren politikan?

2-Cesar Fernandez (35 urte, Barakaldo; komertziala eta idazlea)

Aldatuko al du PPk bere espetxe politika ETAko presoei dagokienez?

3-Jose Antonio Rosado (30 urte, Gasteiz; politologoa)

Zein pauso falta dira Euskadin demokrazia sendotzeko?

4-Ainhoa Santander (31 urte, Bilbo; administratiboa)

Zein iritzi duzu abortuaren legearen erreformaz?

5-Angelita Otaño (Andoain; etxekoandrea)

Lapurretagatik kartzelara igorritako politikoek zerbaitik ez dute dirua itzultzen?

6-Jose Manuel Garcia (58 urte, Bilbo; komertziala, langabezian)

Kudeaketa kaxkarra egin duten politikariak ez lirateke kargutik kendu behar?

7-Sara Ruiz de Infante (22 urte, Gasteiz; ikaslea)

Zer gehiago gertatu behar da herri honetan politikari batek dimisioa eman dezan?

8-Trini Gutierrez (64 urte, Andoain; etxekoandrea)

Erreforma ekonomiko guztiek zergatik kaltetzen dituzte gehiago pobreenak?

9-Maite San Miguel (55 urte, Hondarribia; irakaslea)

Muturreko kasuetan, familia batek kaleratzea atzera al dezake?

10-Erika Zarandona (22 urte, Zornotza; ikaslea)

Zeintzuk dira LOMCE legearen onurak?

11-Aitor Atutxa (32 urte, Bermeo; jostuna eta brodatzailea)

Noiz desagertuko dira frankismoaren sinbolo guztiak?

12-Jose Maria Uruñuela (78 urte, Irun; erretiroduna)

Mutualisten pentsioetan murrizketak egiteko erabiltzen diren koefizienteen arazoari konponbidea ematea eskatuko al duzu?

13-Gorka Cemborain (43 urte, Iruñea; bigarren hezkuntzako irakaslea)

Zein iritzi duzu garapenari zuzendutako laguntzetan Rajoyren Gobernuak erabakitako murrizketaren inguruan?

14-MarIa Angeles Rivas (Zalla; eskola zaintzailea)

Zein iritzi duzu justizia unibertsalaren erreformaren inguruan?

15-Maria Jose Santofimia (59 urte, Portugalete; gizarte-langilea)

Diru-sarrerak bermatzeko errenta jasotzen duen herritar batek 635 euro kobratzen ditu hilean, eta ez du sendagairik ordaindu behar. 55 urtetik gorakoentzako diru-laguntza jasotzen dutenek, berriz, 426 euro kobratzen dituzte, eta sendagaien % 40 ordaindu behar dute. Zergatik?

16-Gonzalo Arroyo (40 urte, Gasteiz; prebentziorako teknikaria)

Lehen mailako eta bigarren mailako biktimak daude. Zergatik ez dago erantzun bera indarkeria matxistaren aurrean?

17-Mari Paz Fernandez (77 urte, Gasteiz; erretiroduna)

PPk Estatu mailan Euskadiren kontrako zerbait defendatuko balu, zer egingo zenuke?

18-Amaia Mayor (40 urte, Arrigorriaga; erizaina)

Egokia al da osasun arloko murrizketa? Ez al duzu uste epe ertainera gastua eragingo duela?

19-Andoni Calvo (19 urte, Aretxabaleta; ikaslea)

Zer proposatzen duzu sexu-transmisiozko gaixotasunak eta haurdunaldiak ekiditeko?

20-Juan Diego Ramos (43 urte, Errenteria; harakina)

Demokratikoa al da herritarrei askatasunez erabakitzeko aukera ematen dien autodeterminazioa erreferenduma?

21-Jorge Olivier (56 urte, Sondika; erretiroduna)

Zuen Gobernuak zergatik ez du zaintza partekatuaren legea garatu?

22-Sandra Bengoa (25 urte, Getxo; kazetaritzan lizentziaduna)

Zein iritzi duzu ETAren kontra zure alderdia aurrera eramaten ari den politikaren inguruan?

23-Pedro Martin Heras (57 urte, Irun; instalazioetako mantentze-lanak)

Nola eragiten dio Hipoteka Maileguen Erreferentzia Indizeak etxebizitza eskubideari?

24-Anabel Somovilla (49 urte, Gasteiz; administratiboa)

Herritarrak fida al daitezke ustelkeria kasuek ukitutako alderdi batekin?

25-Ibai Iturria (26 urte, Errenteria; kultur kudeatzailea)

Zein da Alderdi Popularraren jarrera hemengo kultura eta hizkuntza Euskal Herritik kanpo hedatzearen inguruan?