Politika -

Editoriala

'New York Times': 'Kataluniari irtenbide politikoa eman behar zaio'

“Lehenengo eskoziarrak, orain katalanak”. New York Times egunkariak lerroburu hori aukeratu du asteleheneko editorialerako.

Erredakzioa

Whatsapp Facebook Twitter Telegram Email

“Lehenengo eskoziarrak, orain katalanak”. New York Times egunkariak lerroburu hori aukeratu du asteleheneko editorialerako. Bertan, Kataluniako gatazkari “irtenbide politikoa” ematearen alde agertu da egunkaria.

Artur Mas presidenteak azaroak 9ko galdeketa ez duela egingo iragarri zuen egun berean, egunkari horretako editorialean “autodeterminazioari buruz eztabaida irekia” egitearen alde agertu dira. “Modu horretan, baliteke herritarrek Gobernu sistema zabalenaren alde bozkatzea”, gaineratu dute.

Rajoyren Gobernuak “nazionalisten handinahiak zapuzten” jarraitzen badu, ostera, “jarrera horiek indartu” egiten direla eta, hortaz, “arriskutsuagoak” bihurtzen direla ohartarazi du egunkariak.

Irailean egindako Diadari buruz informazioa jaso du New York Times egunkariak, eta Kataluniako Parlamentuak ia aho batez azaroko galdeketa egitea bozkatu zuela azpimarratu dute egunkari horretan.

Horrenbestez, gatazkari “irtenbide politikoa” eman behar zaiola uste du egunkariak, eta Rajoyri “arlo juridikora” eraman izana egotzi diote.

Hau zure interesekoa bada, baliteke beste gai hauek ere izatea
Katalunia New York Kataluniako erreferenduma