Politika -

Bilera Felipe VI.arekin

Urkulluk akordioan oinarritutako politika babestu du Zarzuelan

Lehendakariak eta Felipe VI.ak ez dute adierazpenik egin batzarraren ostean, baina goizean aurreratu du lehendakariak Espainiako erregeari helaraziko zion mezua.

Felipe VI.a, lehendakariarekin. Argazkia: EiTB
Felipe VI.a, lehendakariarekin.
Felipe VI.ak Iñigo Urkullu lehendakaria Zarzuelan hartu du

0:31

Erredakzioa

Whatsapp Facebook Twitter Telegram Email

Iñigo Urkullu lehendakariaren ustez, "desadostasunak gorabehera, beti dago akordioa lortzeko aukera", eta hala adierazi dio Felipe VI.a Espainiako erregeari gaur arratsaldean Zarzuela jauregian egin duten bileran.

Adierazpenok Mungiako osasun-zentro berria inauguratzeko ekitaldian egin ditu Urkulluk. "Elkarrizketan, negoziazioan, akordioan eta harreman politikoekiko leialtasunean" oinarritutako politikan sinesten duela nabarmendu du bertan Eusko Jaurlaritzaren buruak, eta horixe adieraziko ziola Felipe VI.ari gaur arratsaldeko batzarrean.

"Sakonak izanda ere, elkarren artean izan ditzakegun desadostasunak eta ezberdintasunak gorabehera, egunerokoan eta jardun politikoan beti dago akordioa lortzeko aukera, eta halaxe adieraziko diot erregeari", esan du lehendakariak.

Lehendakaria lehenengo aldiz elkartu da Espainiako erregearekin, Juan Carlos I.ak kargua utzi zuenetik bere semearen mesedetan.

Duela hiru aste Felipe VI.a Euskal Herrian egon zen, errege denetik lehenengo aldiz, baina lehendakaria ez zen bertan egon, kanpoan baitzegoen.

Lehendakariak ez du adierazpenik egin bileraren ostean.

Hau zure interesekoa bada, baliteke beste gai hauek ere izatea
Espainiako errege-etxea Albisteak Urkullu Espainiako Felipe VI.a albisteak