Politika -

Barne hauteskundeak

Ahal Duguk Nafarroako buru autonomikoak izendatzeko prozesua abiatu du

Alderdiak otsailaren 14an izendatuko ditu irabazleak. Urtarrilaren 3an, udal buruzagiak hautatu zituen.

Podemos Nafarroako udal buruzagiak. EFE
Podemos Nafarroako udal buruzagiak. EFE
Podemos Nafarroako udal buruzagiak. EFE

Erredakzioa

Whatsapp Facebook Twitter Telegram Email

Podemos-Ahal Duguk Nafarroako buruzagi autonomikoak hautatzeko parte-hartze prozesua abiatu du gaur, hilaren 3an 15 udaletako buruak izendatu eta gero.

Bozketa horietan, honako buruak izendatu zituzten: Oscar Fresan (Iruñea), Jose Luis Casajus (Tutera), Ivan Mendez (Egues), Jorge Senosiain (Barañain), Tania Martinez (Lizarra), Maria Teresa Molinero (Antsoain), Ricardo Pascual (Buñuel), Kepa Sanz (Atarrabia), Virginia Alonso (Altsasu), Fermin Tarragona (Burlata), Francisco Espinosa (Uharte), Miguel Angel Garcia (Noain), Miguel Periquet (Corella) eta Juan Antonio Pellicer (Zizur Nagusia).

Orain, buruzagi autonomikoak aukeratzeko, Herritarren Kontseilurako eta Idazkaritza Nagusirako hautagaitzak aurkezteko epea abiatu du gaur Nafarroako Ahal Duguk, eta hilaren 26an itxiko du. Ondoren, urtarrilaren 26tik otsailaren 8ra, hauteskunde kanpaina egingo dute; otsailaren 8tik 13ra, bozketa; eta, otsailaren 14an, azkenik, irabazleak izendatuko dituzte.

Alderdiaren arduradunek azaldu dutenez, prozesua "Nafarroako herritar guztiei irekita" dago; izan ere, "edozeinek eman dezake izena eta bozkatu".

Hau zure interesekoa bada, baliteke beste gai hauek ere izatea
Nafarroa