Donostiako manifestazioan biltzen duten dirua Sareri emango diote

Astelehenean izan ziren 16 atxiloketen kontrako manifestazioa egingo dute bihar Donostian, eta antolatzaileek iragarri dute bertan bildutako dirua Sare euskal presoen eskubideen aldeko kolektiboari emango diotela.

Abokatuen kontrako operazioa salatzeko ekitaldia antolatu duten alderdi politiko, sindikatu eta erakunde sozialek azaldu dutenez, diru bilketa bat egingo dute parte hartzaileen artean, eta diru hori Sareri emango diote, "Guardia Zibilak eragindako galerei aurre egiteko".

Izan ere, asteleheneko polizia operazioan, Guardia Zibilak LABen Bilboko egoitza miatu zuen, eta bertan zegoen dirua eraman zuen, Sarek hilaren 10eko manifestazioan bildutako dirua barne.