Politika -

Martxoaren 22rako

Hauteskundeak aurreratuko dituzte Andaluzian

Susana Diaz Andaluziako presidenteak hauteskundeak aurreratuko dituela baieztatu dio Gobernuan kidea duen IU alderdiari.

Susana Diaz Andaluziako presidentea. Argazkia: EITB
Martxoaren 22ra aurreratu ditu Diazek hauteskundeak

1:21

Erredakzioa

Whatsapp Facebook Twitter Telegram Email

Martxoaren 22an egingo dituzte Andaluziako hauteskundeak, legealdia amaitu baino urtebete lehenago. Susana Diaz Andaluziako presidenteak hauteskundeak aurreratzeko erabakia hartu du, PSOEko iturriek jakitera eman dutenez.

Izquierda Unidaren arabera, gaueko bederatzi eta erdietan eman dio berria Diazek Antonio Maillo IUko eskualdeko koordinatzaileari. Koalizio-gobernua osatzeko ituna “hautsitzat” eman du Susana Diazek, eta hauteskundeak martxoaren 22rako deituko dituztela adierazi dio Maillori.

Bi ordezkari politikoen arteko elkarrizketa laburra izan dela gaineratu dute. Hauteskundeak aurreratzeko justifikaziorik ez dagoela eta erabakia “akatsa” dela esan dio Maillok presidenteari, alderdiko iturrien arabera.

Ostiralean, bilera egin zuten PSOEko eta IUko Andaluziako ordezkariek, eta Andaluziako presidenteak haiekin “konfiantzarik ez” duela esan zien koalizioko kideei.

Hau zure interesekoa bada, baliteke beste gai hauek ere izatea