Politika -
Auzitegi Nazionala
Askapenaren ilegalizazioa eta bost kide kartzelatzea eskatu dute
Fiskaltzak seina urteko kartzela-zigorra eskatu du, eta Askapena, Askapeña konpartsa, Herriak Aske eta Elkar Truke desegitea.
Erredakzioa
Auzitegi Nazionaleko Fiskaltzak Askapena legez kanpo uztea eta desegitea, eta bost kide kartzelatzea eskatuko du epaiketan.
Fiskaltzaren kalifikazioa atera da gaur argitara. Askapenaren kontra 2010ean egin zuten polizia-operazioaren harira idatzitako kalifikazioa da. Zortzi lagun atxilotu zituzten orduan, azkenean bost bakarrik inputatu zituzten arren, eta Fiskaltzak seina urteko kartzela-zigorra eskatu du haientzat. Gainera, talde internazionalista, Askapeña Bilboko konpartsa, Herriak Aske eta Elkar Truke desegitea eskatuko du.
Hala ere, oraindik ez dute datarik jarri epaiketari ekiteko.
