Politika -
Caja Madrid
Blesa: 'Baina zer uste du honek?'
Esaldi horrekin erantzun zuen Miguel Blesa Caja Madrideko presidente ohiak kontseilari batek txartel beltzen erabilerari buruz galdetu zuenean.
Erredakzioa
Miguel Blesa Caja Madrideko (CAM) presidente ohiak honela erantzun zuen kontseilari ohi batek txartel beltzen mugimenduei buruz galdetu zuela jakin zuenean: "Baina zer uste du honek?".
Hori da behintzat Rodolfo Benito kontseilari ohiak (auzian inputatuta dago) epaitegietan aipatutako mezu elektroniko batean irakur daitekeena.
Rodolfo Benito CCOOk CAMeko Administrazio Kontseiluan zuen ordezkariak helegitea aurkeztu du bere inputazioaren aurka, eta kontseilariek txartel beltzen harira erabakiak hartzeko ahalmenik ez zutela argudiatu du.
Hori frogatzen saiatzeko, Jesus Pedroche kontseilariak bere txartelaren mugimenduen zerrenda bat eskatu zuela eta bankuak ukatu egin ziola azaldu du Benitok.
"Baina zer uste du honek?" idatzi zion Blesak eskaera horren berri izan zuenean, mezu elektroniko batean, Enrique de la Torre CAMeko idazkari nagusiari.
