Politika -

Diru-laguntza

'Lasa eta Zabala' eta 'Amama' filmen informazioa eskatu du Urquijok

Gobernuaren ordezkariaren “jazarpen etengabea” salatu du Gipuzkoako Aldundiak, “batez ere euskararekin harremana duten gaietan”.

Unax Ugalde aktorea 'Lasa eta Zabala' filman. Artxiboko irudia: EiTB
Unax Ugalde aktorea 'Lasa eta Zabala' filman. Artxiboko irudia: EiTB
Unax Ugalde aktorea 'Lasa eta Zabala' filman. Artxiboko irudia: EiTB

Erredakzioa

Whatsapp Facebook Twitter Telegram Email

Lasa eta Zabala eta Amama filmei emandako diru-laguntzen inguruko espedienteak bidaltzeko 20 eguneko epea eman dio Carlos Urquijo Espainiako Gobernuaren ordezkariak Gipuzkoako Foru Aldundiari.

Agiri batean gogorarazi duenez, ekoizpen eta hedapen gastuetarako film bakoitzari 100.000 euroko diru-laguntza eman zion Aldundiak.

Pablo Malok zuzendutako Lasa eta Zabala filmak Joxean Lasa eta Joxi Zabala ETAko ustezko bi kideen hilketak birsortzen ditu. GALek biak hil zituen 1983an. Asier Altunak zuzendutako Amama pelikulak, aldiz, “belaunaldien arteko gatazka batean jartzen du arreta, baserri-giro batean, eta desagertzeko zorian dagoen unitate sozial, ekonomiko eta familiarra ezagutzera ematen du, euskal kulturaren ikurra, baserria”, alegia.

Gobernuaren ordezkariaren “jazarpen etengabea” salatu du Gipuzkoako Foru Aldundiak, “batez ere euskararekin harremana duten gaietan”.

“Oztopoak oztopo, Gipuzkoa euskaldunago bat izateko euskararen alde neurriak hartzen” jarraituko dutela adierazi du Foru Gobernuak.

Hau zure interesekoa bada, baliteke beste gai hauek ere izatea
Politika Albisteak Gipuzkoa Zinema estrenaldiak Eguneko albisteak Gaurko azken orduko albistea Euskal zinema gaur