Politika -

Terrorismoaren biktimak

Covitek Roldan salatu du GALen inguruko informazioa ezkutatzeagatik

Besteak beste, Juan Carlos Garcia Goenaren hilketa argitu nahi du Covitek salaketarekin. Garcia Goena kontzientzia eragozlea Frantzian bizi zen eta ETAko kide batekin nahasi egin zuen GALek.

Consuelo Ordoñez Coviteko presidentea. Artxiboko irudia: EiTB
Consuelo Ordoñez Coviteko presidentea. Artxiboko irudia: EiTB
Consuelo Ordoñez Coviteko presidentea. Artxiboko irudia: EiTB

Erredakzioa

Whatsapp Facebook Twitter Telegram Email

Luis Roldan Guardia Zibileko zuzendari nagusi ohiaren aurka salaketa aurkeztu du Terrorismoaren Biktimen Euskadiko Kolektiboak (Covite) Auzitegi Nazionalean, GALen krimenen inguruko informazioa ezkutatzeagatik.

Covitek agiri batean azaldu duenez, GALen erasoen inguruan “dena agerian utziko” ez zuela ziurtatu zuen Roldanek Espainiara itzuli zenean, El Mundo egunkarian argitaratutako elkarrizketa batean. Guardia Zibilaren zuzendari nagusi ohiaren hitzetan, “bigarren edo hirugarren mailako lau edo bost pertsona agerian” geratuko lirateke eta “boteretsuek beti bezain babesturik” jarraituko lukete.

Besteak beste, Juan Carlos Garcia Goenaren hilketa argitu nahi du Covitek salaketarekin. Garcia Goena kontzientzia eragozlea Frantzian bizi zen eta ETAko kide batekin nahasi egin zuen GALek. Laura Martin, Garcia Goenaren alarguna, biktimen elkarteko kidea da.

Francisco Paesa galdekatzea proposatu du Covitek salaketan. Paesa leku ezezagunen batean dago eta 1987ko uztailean Garcia Goena hil zutenean Roldanen bazkidea zen.

Roldanek “zentzatu egin dela frogatzeko aukera” aprobetxatzea espero du Covitek. Horrela, Garcia Goenaren hilketaz edo GALen beste krimen batzuetaz informazioa ematea espero du kolektiboak, “biktimen senideen Justizia eskubide legitimoa gauzatzeko”.

Hau zure interesekoa bada, baliteke beste gai hauek ere izatea
Politika ETA Eguneko albisteak Albisteak Terrorismoaren Biktimak GAL gaur