Politika -
CAN auzia
CAN auziko Ikerketa Batzordeak ez du agerraldirik eskatuko
Ondorioak legegintzaldiko azken osoko bilkuran onartu beharko dituzte, martxoaren 26an.
Nafarroako Kutxaren nondik norakoak aztertzeko Nafarroako Parlamentuan eratu zen Ikerketa Batzordeak azkenean ez du agerraldirik eskatuko, eta datorren ostiralean onartuko ditu ondorioak, legegintzaldiko azken saioan, hilaren 26an, eztabaidatzeko eta bozkatzeko.
Gaurko saioan ateak itxita adostutakoaren arabera, talde bakoitzak bere ondorioak eraman beharko ditu hurrengo bilerara, eta hortik aurrera ebazpen bat adostu beharko dute, martxoaren 26ko osoko bilkurara, legegintzaldiko azkenekora, eramateko.
Ebazpenaren ondorioak Batzordearen erabakiaren zain geratuko dira, eta bertan sartuko dituzte boto partikularrak.
Parlamentuak onartzen dituen ondorioak ez dira izango lotesleak auzitegientzat, eta ez dituzte ebazpen judizialak aldatuko. Parlamentuaren Aldizkari Ofizialean argitaratuko dituzte, eta Foru Aldundiari jakinaraziko dizkiote
.
