Politika -

Servini epailea

Espainiak ez ditu zortzi ministro frankista Argentinara estraditatuko

Espainiako Gobernuak dio Espainiarena dela herritar espainiarrak epaitzeko eskumena, gertakariak preskribatu direla eta egin zituztenean ekintza horiek ez zirela delitu.

Servini epailea. Argazkia: Efe
Servini epailea.
Servini epailea. Argazkia: Efe

Erredakzioa

Whatsapp Facebook Twitter Telegram Email

Espainiako Gobernuak ez ditu zortzi ministro frankista Argentinara estraditatuko, Servini epaileak bertan ikertzen dituen Espainiako Gerrako eta diktadura frankistako krimenen auziaren baitan.

Espainiako Gobernuak dio Espainiarena dela herritar espainiarrak epaitzeko eskumena, gertakariak preskribatu direla eta egin zituztenean ekintza horiek ez zirela delitu.

Rafael Catala Justizia ministroak Ministroen Kontseiluaren bileraren osteko prentsaurrekoan azaldu duenez, ez dute Maria Servini epaile argentinarraren estradizio eskariarekin aurrera jarraituko.

Servinik 20 auzipeturen estradizioa eskatu zion Espainiari, frankismoaren krimenen harira 2010ean abiatu zuen auziaren baitan, eta Rodolfo Martin Villa eta Jose Utrera Molina ministro ohiak dira horietako batzuk.

Rafael Catala Justizia ministroak esan du "lehentasunezko jurisdikzio printzipioagatik" Espainiari egokitu beharko litzaiokeela epaitzea. Gaineratu duenez, "leporatzen zaizkien delituak 70eko hamarkadan egin zituzten", eta orduko Zigor Kodeak 15 urteko epean preskribatzen zirela esaten zuen.

Beraz, ministroaren esanetan, "2014rako erabat preskribatuta dago ardura kriminala".

Hau zure interesekoa bada, baliteke beste gai hauek ere izatea
Politika Justizia Unibertsala bideoak Espainia bideoak Eguneko albisteak Albisteak Frankismoari buruzko albisteak Argentina Memoria historikoa albisteak Maria Servini bideoak