Etxegabetzeak debekatu eta zerga berrien sorrera, Podemosen programan

Podemosek Espainiar Estatuko 13 erkidegotan aurkeztuko ditu zerrendak maiatzak 24ko bozetan.

Atzo, Pablo Iglesiasek alderdiaren programa aurkeztu zuen: ‘Aldaketarako programa’ horrek 215 neurri biltzen ditu. Hona hemen proposamen esanguratsuenak:

- Ondasunen gaineko zerga berreskuratu.

- Oinordetza eta donazio zergari dagozkion hobariak kendu

- Pertsona Fisikoen Gaineko Zergetako erkidegoetako kuotetan egiten diren murrizketak berrikusi

- Pertsona Fisikoen Gaineko Zergetako tarte autonomikoaren gehikortasuna handitu.

- Kutsadura atmosferikoaren inguruko zerga berriak sortu

- Alor turistikoko negozioei zuzendutako ‘ekotasa’ sortu, ingurugiroan sortzen duten eragina zuzentzeko

- Erkidegoak ‘fraking gabeko’ lurraldeak deklaratu

- Etxegabetzeak gelditu, “egoera ekonomiko zail batean” dauden zordunen kasuetan

- Zorrak kitatzeko edota berrantolatzeko prozedura judizial berria indarrean jarri. Etxea ordainean ematea aurreikusiko luke sistema berri horrek

- Etxebizitza izateko Eskubidearen Zerbitzu Publikoa sortu. Prozedura judizialetan parte hartuko luke organo horrek. Horrez gain, halabeharrezko etxegabetzeak ekiditea izango du helburu

- Etxegabetzeak egiten dituzten entitateak kontratatzea debekatuko diete erakunde publikoei

- Hutsik dauden hamar etxebizitza baino gehiago dituzten entitate edo pertsonak zigortzeko prozedura onartzea, bete ere alokairuan ateratzen ez badituzte

- Argindarra, ur eta gas zerbitzua bermatuko duen sistema berria. Kontsumitzailearen ohiko etxea denean, zerbitzua etetea debekatuko du Podemosek

- Erkidego bakoitzean argindarra merkaturatuko duen enpresa publiko bat sortzea

- Enplegua “banatzeko” xedearekin, 35 orduko lan astea indarrean sartzea

- Diskriminazioaren aurkako Bulego Publikoaren sorrera

- Erkidegoetan, banka publikoaren garapena

- Erkidegoek duten zor publikoa berriz negoziatzea

- Irakaskuntza zentro publikoetan gela bakoitzeko ikasle-kopurua murriztea

- Irakasleen eskola-orduak murriztea

-  Itunpeko zentroetan “kalitatezko hezkuntza” eskaintzen dela bermatzeko “kontrol mekanismoak” abian jartzea

-  0 urtetik aurrerako haur-hezkuntza unibertsal eta doakoa bultzatzea

-  Ezkongabeak kontratatzeko neurriak bultzatzea. Seme-alabak zaintzeko ordutegian malgutasun handiagoa aplikatzea

-  Haurdunaldiaren etetea osasun sistema publikoaren bitartez ordaintzea

-  Heriotza duin bat izateko eskubidea aldarrikatu

-  Garestiak diren tratamenduetarako botikak bultzatzea (C hepatitisa aipatzen du Podemosek bere programan)

-   Kargu publikoek hilero egiten dituzten gastuak deklaratu beharko dituzte

-   “Ate birakariak” debekatzeko Legea sortu

-    Ustelkeria kasuak salatzen dituzten langile publikoak babesteko neurriak

-   Erkidegoetan goi-karguak murrizteko neurriak

-   Telebista eta irrati publikoetako batzordeak “demokratizatzeko” neurriak. Herritarren parte-hartzea bultzatuko du Pablo Iglesiasen alderdiak