Politika -

Nafarroa

Nafarroako gobernu berriak lehen bilera egin du

IX. legealdiko aurreneko gobernu-kontseilua izan da. Bederatzi kontseilariek parte hartu dute, goizean karguaz jabetu ondoren.

Nafarroako Gobernu berriaren lehen bilera. Argazkia: EFE
Nafarroako Gobernu berriaren lehen bilera. Argazkia: EFE
Nafarroako Gobernu berriaren lehen bilera. Argazkia: EFE

Agentziak | Erredakzioa

Whatsapp Facebook Twitter Telegram Email

Nafarroako gobernu berriak lehen bilera egin du arratsaldean, Uxue Barkos presidenteak zuzenduta. IX. legealdiko aurreneko gobernu-kontseilua izan da. Bederatzi kontseilariek parte hartu dute, goizean karguaz jabetu ondoren.

Bost gizonek eta lau emakumek laguntzen dute Barkos foru-exekutibo berrian. Bi presidenteorde ditu gobernuak: ekonomikoa, Manu Aierdi, Nafarroako EAJren presidentea izan dena orain arte, eta gizarte-politikena, Miguel Laparra, Nafarroako Unibertsitate Publikoan Berdintasun eta Integrazio Sozialeko Ikerketa Katedraren zuzendaria izan dena.

Kontseilari gehienek ez dute afiliazio politikorik. Sei Geroa Baik proposatu ditu, bi EH Bilduk eta bat Ezkerrak. Barkosen hitzetan, euren esparruetan profesionalak dira, kuoten gobernu bat osatzerik nahi ez zutelako, «gaitasuna duen talde on bat» baizik.

Hau zure interesekoa bada, baliteke beste gai hauek ere izatea
Nafarroa Uxue Barkos Nafarroako Hauteskundeei buruzko albisteak