Politika -

Kurtso politikoaren hasiera

EAJk euskal herritarren arteko akordioa egin nahi du lehenik

Jeltzaleek esan dute konstituzioaren erreforma batean parte hartzekotan "euskal nazio izaera eta subjektu politikoaren errekonozimendua" aintzat hartu beharko lukeela.

Egibar eta Ortuzar, Zarautzen. Argazkia: Efe
Egibar eta Ortuzar, Zarautzen.
Ortuzar defiende un camino propio para Euskadi basado en el acuerdo

1:07

agentziak | erredakzioa

Whatsapp Facebook Twitter Telegram Email

Andoni Ortuzar EAJren presidenteak lehenik euskal herritarren artean akordioa egitea, eta gero Espainiako Estatura eta Europar Batasunera jotzea, defendatu du. Gainera, jeltzaleek esan dute konstituzioaren erreforma batean parte hartzekotan "euskal nazio izaera eta subjektu politikoaren errekonozimendua" aintzat hartu beharko lukeela.

Zarautzen kurtso politikoari hasiera emateko egin duen ekitaldian, Ortuzarrek gogorarazi du jeltzaleek "bide propioa" dutela Euskal Herriarentzat, eta bide horrek lehenik euskal herritarren arteko akordioa aurreikusten duela.

Ekitaldian parte hartu dute, era berean, Joseba Egibar GBBren presidenteak eta Xabier Txurruka Zarauzko alkateak.

Egibarrek esan du Espainiatik ez dela etorriko erabakitzeko eskubidea: "Ez Espainiatik, ez PPtik, ez PSOEtik, ez Podemosetik". Hala, autodeterminazio eskubidea ez dela "egun batetik bestera" iritsiko azpimarratu du. "Inork ez digu ezer oparituko, eta estatus politiko berria nahi badugu herria zutik jarri behar dugu, ilusioa berritu", berretsi du.

Era berean, etorkizuneko helburuen artean "bakea eta elkarbizitza egonkortzea" dagoela esan du, eta ez dela erraza izango, "lan asko" dagoelako egiteko.

Hau zure interesekoa bada, baliteke beste gai hauek ere izatea
Euzko Alderdi Jeltzalea Andoni Ortuzar albisteak Zarautz bideoak