Presoen amnistia eskatzeko manifestazioa egin dute Bilbon

Amnistia eta Askatasuna mugimenduak deituta, presoen amnistia eskatzeko manifestazioa egin dute larunbat honetan Bilboko kaleetan.

Aipaturiko mugimendua kritiko agertu izan da Sortuk zein presoen kolektiboak hartutako bidearekin.

Manifestazioa arratsaldeko zazpietan abiatu da Zabalburutik "Amnistia" zioen pankarta bat buru zela eta, Bilboko kaleak zeharkatu ondoren, Moyua plazan amaitu da.

Amaieran, komunikatu bat irakurri dute eta presoen izaera politikoa aldarrikatzeaz gain, ordainik gabeko amnistia eskatu dute.