Sortuk dio biktimen mina ezker abertzalearen aurka erabiltzen dutela

Hasier Arraiz Sorturen presidenteak biktima "guztien" mina "politikoki erabiltzea" egotzi die EAJri eta "gainerako alderdiei", eta batzuetan autodeterminazioaren inguruko eztabaidan ez sartzeko "aitzakia" gisa erabiltzea.

Arraizek Euskadi Irratian egindako elkarrizketa batean ohartarazi duenez, biktimen mina "handiegia" da erabilia izateko, eta "arriskutsua" da "proiektu politiko jakin baten aurka" erabiltzea.

Buruzagi abertzalea indarkeriaren ondorioez hitz egiteko prest agertu da, eta hildako bakoitzarekin gertatu denak ez duela "pertsona edo gizartea" hobetzen azpimarratu du.

Hala eta guztiz ere, zehaztu du "gauza gehiago" gertatu direla, "existitu ez dela dirudien diktadura bat" tarteko, edo "gerra zibil bat, ondorioak gertatu ez direla badirudi ere".

Arraizen ustez, ezin da iragana "irabazleen eta galtzaileen arteko lubaki moduan erabili", eta bakea eraikitzeko prest agertu da, baina "horrek ez du esan nahi" ezker abertzaleak "gainerako alderdiek esaten dutena" egin behar duenik "nahi dutenean eta nahi duten bezala".