Politika -

Rato auzia

Epaileak NDFren biziarteko pentsioa ere bahitu dio Ratori

Nazioarteko Diru Funtsetik jasotzen duen pentsioa ere bahituko diote PPko Gobernuaren presidenteorde ohiari, aurretik 18 milioi euroko ondasunak bahitu ondoren.

Rodrigo Rato PPren Gobernuko presidenteorde ohia. Argazkia: EFE
Rodrigo Rato PPren Gobernuko presidenteorde ohia. Argazkia: EFE
Rodrigo Rato PPren Gobernuko presidenteorde ohia. Argazkia: EFE

agentziak | erredakzioa

Whatsapp Facebook Twitter Telegram Email

Madrilgo Justizia Auzitegi Nagusiko epaile batek Rodrigo Ratoren ondasunak bahitzeko agindua eman zuen ekainean, eta, hori dela eta, 18 milioi euro blokeatuta ditu ordutik. Orain, baina, Nazioarteko Diru Funtseko zuzendari izateagatik jasotzen duen biziarteko pentsioa ere bahitzeko agindu du epaileak.

PPren Gobernuko presidenteorde ohia ustelkeria delituak egiteagatik, iruzur fiskalagatik eta dirua zuritzeagatik auzipetu zuten.

Maiatzean, Madrilgo Auzitegiak 18 milioiko fidantza ezarri zion, bere kontu korronteak eta funts-gordailuak desblokeatzeko. Ez du, baina, bermea ordaindu, eta, ondorioz, epaileak ondasun horiek bahitzeko agindu eman du.

Auzipetu zutenean, kontu korronteak, funts-gordailuak, pentsio-planak eta bestelako finantza-produktuak blokeatu zizkioten, kautelazko neurri gisa.

Rato PPko Gobernuaren presidentorde, Ekonomia ministro, NDFko zuzendari kudeatzaile eta Bankiako presidente izan zen.

Hau zure interesekoa bada, baliteke beste gai hauek ere izatea
Politika PP Espainia albisteak Epaiketak NDF Ustelkeria politikoa gaur Gaurko titularrak Gaurko azken orduko albistea