Politika -
ETA-ren agiria
Sortu: 'ETA ez da Espainiako Gobernuaren etsaia, ez baitago aktibo'
ETA "arma gabe" dagoela eta "konponbidearen aldeko konpromisoa" erakutsi duela gogorarazi du Pernando Barrenak.
AGEnTZIAK | ERREDAKZIOA
Pernando Barrena Sortuko bozeramaileak ETArekin "dagoeneko existitzen ez den etsai bat asmatzea" egotzi dio Espainiako Gobernuari. Izan ere, talde armatua "jada ez dago aktibo eta arma gabe dago".
Barrenak prentsaurrekoa eskaini du gaur, Donostiako hotel batean, atzo ETAk kaleratutako agiria baloratzeko. Horretan, "konpromiso" guztiei eutsi zien talde armatuak.
Agerraldian, ETAk "heldutasuna eta erantzukizuna" erakutsi dituela adierazi du buruzagi abertzaleak, eta "ETAren konpromisoa konponbidearen alde dago", gaineratu du.
Nolanahi ere, Barrena kezkatuta agertu da, ETAk agirian esan bezala, "desarmatze prozesuan atxiloketa gehiago jazotzeak desarmea bera ezinezko bihur baitezake".