Politika -
Artur Mas, auzipetuta
Legea betetzeko exijitu dio Rajoyk Masi, 'espainiar guztiek bezala'
Espainiako Gobernuak esan du Artur Masek Justiziari “mehatxu” egin diola eta hori “onartezina” dela.
agentziak | erredakzioa
Mariano Rajoyk, “espainiar guztiek egiten duten bezala”, legea betetzeko exijitu dio gaur Artur Masi. Generalitateko presidenteak Justiziari “mehatxu” egin diola iritzi dio eta hori “onartezina” dela azpimarratu du.
Rajoyk Bruselan egin ditu adierazpenok, Europako Alderdi Popularraren bilera egin aurretik.
Generalitateko presidenteak Kataluniako Justizia Auzitegian deklaratu behar izan du gaur, A9ko kontsultagatik inputatuta. Botere “gehiegikeria” batean aurrean aurkitzen garela salatu eta balizko kargugabetzea ez onartzeko aukera irekita utzi du Masek.
Rajoyk uste du adierazpen horien bitartez Mas Kataluniako Auzitegiari eta Botere Judizialaren Kontseilu Nagusiari “mehatxu” egiten ari zaiola.
“Espainian Justizia independentea da; eta erabakiak hartu behar diren moduan ez hartzeko Justiziari mehatxu egitea onartezina da, Espainia herrialde demokratikoa delako”, erantsi du.