Politika -

Jihadismoa

Bi atxilotu Bartzelonan, Estatu Islamikoarekin zerikusia dutelakoan

Atxilotuak gatazka zonaldeetan dauden pertsonekin ustez harremanetan zeuden sare sozialen bidez. Antza, babesa eta animoak ematen zizkieten terrorismo jihadistarekin aurrera jarraitzeko.

Bi atxilotu Bartzelonan, Estatu Islamikoarekin zerikusia dutelakoan. Argazkia: EFE
Bi atxilotu Bartzelonan, Estatu Islamikoarekin zerikusia dutelakoan. Argazkia: EFE
Bi atxilotu Bartzelonan, Estatu Islamikoarekin zerikusia dutelakoan

0:46

Agentziak | Erredakzioa

Whatsapp Facebook Twitter Telegram Email

Guardia Zibilak bi pertsona atxilotu ditu Cornella de Llobregaten (Bartzelona), ustez sare sozialen bidez Estatu Islamikoarentzat militanteak errekrutatzeagatik eta doktrinatzeagatik. Operazioa ez dute bukatutzat eman.

Bi atxilotuak marokoarrak dira sortzez, baina horietako batek Espainiako herritartasuna du. Atxilotuak gatazka zonaldeetan dauden pertsonekin ustez harremanetan zeuden sare sozialen bidez, Barne Ministerioak agiri batean azaldu duenez. Antza, babesa eta animoak ematen zizkieten terrorismo jihadistarekin aurrera jarraitzeko.

Estatu Islamikoaren propagandan parte-hartze aktiboa izatea egotzi diete. Ustez, Estatu Islamikoaren propaganda zabaltzen zuten bilera pribatuetan, jarraitzaileak errekrutatzeko.

Irudiak, bideoak eta dokumentuak ikusteko profilak

Ikertzaileen arabera, erakunde terroristaren mota guztietako artxiboak (irudiak, bideoak eta dokumentuak) ikusteko profilak sortzen zituzten, eta, ondoren, beste erabiltzaile batzuei bidaltzen zizkieten, sare sozialen bidez, edo beste pertsona batzuekin zuzenean partekatzen zituzten, bilera pribatuetan.

Estatu Islamikoko kideak izateko konbentzitzen zituzten hautagaiak, ondoren gatazka zonaldeetara bidaltzeko.

Estatu Islamikoa Bartzelonan efe

Cornella de Llobregaten (Bartzelona) atxilotutako pertsona bat. Argazkia: EFE

Guardia Zibilak atxilotuen etxebizitzak miatu ditu goizean, Auzitegi Nazionaleko 1. epaitegiak eta Fiskaltzak zuzendutako operazioaren baitan.

Aste honetan Jihadismoaren aurka egin den bigarren operazioa da honakoa, atzo hiru lagun atxilotu baitzituzten Madrilgo Cañada Real txabola-herrixkan eta Vallecas auzoan.

Hau zure interesekoa bada, baliteke beste gai hauek ere izatea
Estatu Islamikoa Jihadismoa Gaurko azken ordukoa