Politika -

Kataluniako Parlamentua

CUP: 'Carles, errepublika berrirako trantsizioaren presidentea zara'

Inbestidura saioak lau ordu iraun du, eta bertan alderdiek euren iritzia berretsi dute, independentziarako prozesuari eta Katalunian zabaldu den aro berriari dagokionez.

Anna Gabriel Kataluniako Parlamentuan. Irudia: EiTB
Anna Gabriel Kataluniako Parlamentuan. Irudia: EiTB
CUPek aldeko zortzi boza eta bi abstentzio emango dizkio Puigdemonti

1:03

Agentziak | Erredakzioa

Whatsapp Facebook Twitter Telegram Email

Anna Gabriel CUPen bozeramaleak Puigdemonti zuzendu zaio, eta esan dio: "Carles, errepublika berrirako trantsizioaren presidentea izateko ardura  daukazu".

Halere, ohartarazi dio: "Prozesua anitzagoa egiteko erronka daukazu, hala nola, akordioak bilatu eta gauza guztiek atzerapenik gabe aurrera egin dezaten, 18 hilabetean egiteko bideari ekiteko aukera aprobetxatzeko", eta bide horrek "independentziarako bide orria" du ardatz nagusia.

Horiexek izan dira Gabrielen hitzok Carles Puigdemont inbestidura saioko alderdien txandan, Kataluniako Parlamentuan. Gainera, honako hau "hausturaren, aldaketen, eraldaketaren eta erronken" legealdia izatea nahi duela adierazi du, Kataluniako erakundeek herriaren borondatea isla dezaten.

CUPen bozeramalearen arabera, bere alderdiak presidentea inbestitzeko lagunduko du "hauteskunde berrietara eraman gaitzan, oraingoan bai, eratzaileak".

"Gaurtik aurrera Estatu berri bat eraikiko dugu"

Jordi Turull JxSiren Parlamentuko presidenteak abisatu duenez, Kataluniako etorkizuna "kataluniarrek erabakiko dute, ez inolako auzitegirik ezta alderdirik ere", Xavier Garcia Albiolek esan eta gero Estatuak ez duela independentzia baimenduko.

"Sentitzen dut desadostasunagatik pozik zeudenengatik. Gaurtik aurrera Estatu berri bat eraikiko dugu", esan du inbestidura saioan.

Era berean, SiQueEsPot alderdiari eskatu dio CUPekin egindako akordioarekin bat egiteko, independentziarako bide orria abiarazteko, erreferenduma ezin delako egin, "Katalunian Junts pel Si dagoen moduan, Madrilen Junts pel No dago", baina JxSi-CUP itunak sentsibilitate guztiei dei egiten die indarrak batzeko, Kataluniaren duintasuna defendatzeko helburuarekin.

Turullek Artur Mas presidentearen lana goraipatu du, eta horrek diputatu askoren txaloak eragin ditu: "Herrialde honen historiako eskuzabaltasun eta sakrifizio keinurik garrantzitsuenetakoa egin duzu".

'Puigdemont kontinuista izango da'

Ines Arrimadas Kataluniako Ciudadanosen buruaren iritzian, Carles Puigdemont presidente "kontinuista" izango da eta "nahierara" ipini dute independentziarako "legez kanpoko" proiektuari ekiteko. Gainera, demokrazia eta legea trinko defendatuko dituela adierazi du.

Kataluniako Gobernuko presidente berriaren inbestidura saioan egindako hitzaldian, Arrimadasek kritikatu egin du "nahierara" eta Artur Masen "itxurara" aukeratu izana, "legez kanpoko" proiektu independentista bati ekiteko: "Berdina izango da", esan du oposizioaren buruak.

Halaber, Arrimadasen arabera, Generalitateko presidentegaia "ez da moderatua eta ez dauka errespeturik kataluniarren gehiengoarekiko, haien ordezkaria izateko moduan", esan duenez, "bere ibilbide politikoak eta pertsonalak erakusten dutenez". Hala, Puigdemontek 2013an Twitterren zabaldutako mezua kritikatu du: "Inbasoreak Kataluniatik kanpo izango dira".

Presidentegaiari erantzuteko txandan, Arrimadasek ziurtatu du bere alderdia "tinko" mantenduko dela demokraziaren eta legearen defentsan: "Ez dugu zalantzarik izango, eta guk ere irmo defendatuko ditugu balore horiek".

"Kataluniar guztientzat goberna dezala"

Miquel Iceta PSECren buruak "ez" esan dio Puigdemonten "independentziari, ilegaltasunari eta inbestidurari", Generalitateko presidente berri gisa, eta "kataluniar guztientzat" gobernatzeko eskatu dio. Bestalde, Kataluniako Presidentetza "enkantean" jarri izana kritikatu du.

Inbestidura saioan egindako agerraldian, Icetak Artur Masen inbestidura saioan -azaroan- esandakoa errepikatu du, ez baitu "inolako ezberdintasunik antzematen zure eta bere artean", azaldu du.

Ordezkari sozialistak inbestidura saioa deitzeko erabilitako "moduak" deitoratu ditu, epearen azken egunean deitu dutelako. Hala, Kataluniak "egonkortasuna, gobernu zuzena eta negoziatzeko gaitasuna" behar du eta, bere ustean, Puigdemonten proposamenak ez du hori "bermatuko".

Gainera, Presidentetza berriak "politika katalanaren mamua ez ezkutatzeko" eskatu du, hau da, "kataluniar onak eta gaiztoak" banatzen dituena eta, bide batez, galdetu dio bere gobernuak Junts pel Sik CUPekin egindako akordioa "oinarritzat" izango ote duen.

'Ke truke egindako akordioa'

Lluis Rabell CatSiQueEsPoten Kataluniako Parlamentuko ordezkariak ziurtatu duenez, JxSiren eta CUPen arteko akordioa "ke truke" egindakoa da, eta itunak CDCren berrantolaketa ahalbidetuko du.

Rabellek nabarmendu duenaren arabera, ezkerreko independentismoak ulertu behar du ezingo duela berrantolatu eskuineko gobernuen agintepean, eta CDCk gidatutako Gobernu batek hiritarren gehiengoaren beharrizanen aurkako agintaldia egonkortuko du.

"Zer nolako sinesgarritasuna dauka politika sozialak martxan jarriko dituztela esateak?", galdegin du Rabellek, eta gogorarazi duenez, hauteskunde orokorren ostean begiztatzen hasi da Katalunia korapilatsuagoa dela eta kezkatuagoa dagoela arazo sozialengatik, erabakitzeko eskubidea izateko gehiengoak lortzeko gogotsu.

Rabellen iritzian, Puigdemont "ameslaria" da, uste duelako gizarte segurantza sistema kataluniarra eta aduana sistema modu aldebakarrean sor litekeela hitzaldian esna bezala- eta, berretsi duenez, Espainiarekin aldebakartasunez haustea ez da zilegi, ez legezkoa.

"Ez zuk ez beste inork ez du inolako prozesurik abiatuko"

Xabier Garcia Albiol PPren bozeramaleak Puigdemonti ohartarazi egin dio bere alderdiak oztopatuko duela independentziarako bide orria abiatzea: "Ez zuk ez beste inork ez du inolako prozesurik abiatuko Katalunia Espainiarekin banantzeko. Argi izan dezazun".

"Itunak (JxSi-CUP) arrisku handia ekarriko du politikaren, erakundeen, gizartearen eta ekonomiaren ikuspuntutik", esan du Albiolek inbestidura saioan. PPren bozeramaleak saioa kritikatu du eta, bere iritzian, dute araudia errespetatu.

Era berean, abagunea aprobetxatu du sozialistei eskatzeko PPren norabide berean lan egin dezaten, Espainiaren batasuna bermatzeko, Gobernu zentralaren gobernagarritasunaren harira: "Ezberdintasunak alde batera utz ditzagun, banatzen gaituena, eta lan egin dezagun Gobernu berriak haustura prozesua has ez dezan".

Bestalde, Albiolek kritikatu du presidentegaiak enpleguak aipatu ez izana bere hitzaldian eta "itun ilun eta kataluniarren gehiengoaren borondatearen kontrako" irudia izatea eta, bere ustean, Kataluniako Gobernuak izan zezakeen bidelagun okerrena da CUP.

 

Lluis Rabell CatSiQueEsPoten Kataluniako Parlamentuko ordezkariak ziurtaty duenez, JxSiren eta CUPen arteko akordioa "ke truke" egindakoa da, eta itunak CDCren berrantolaketa ahalbidetuko du.

Rabellek nabarmendu duenaren arabera, ezkerreko independentismoak ulertu behar du ezingo duela berrantolatu eskuineko gobernuen agintepean, eta CDCk gidatutako Gobernu batek hiritarren gehiengoaren beharrizanen aurkako agintaldia egonkortuko du.

"Zer nolako sinesgarritasuna dauka politika sozialak martxan jarriko dituztela esateak?", galdegin du Rabellek, eta gogorarazi duenez, hauteskunde orokorren ostean begiztatzen hasi da Katalunia korapilatsuagoa dela eta kezkatuagoa dagoela arazo sozialengatik, erabakitzeko eskubidea izateko gehiengoak lortzeko gogotsu.

Rabellen iritzian, Puigdemont "ameslaria" da, uste duelako gizarte segurantza sistema kataluniarra eta aduana sistema modu aldebakarrean sor litekeela hitzaldian esna bezala- eta, berretsi duenez, Espainiarekin aldebakartasunez haustea ez da zilegi, ez legezkoa.

Hau zure interesekoa bada, baliteke beste gai hauek ere izatea
Katalunia Politika Alderdi politikoak Albisteak Artur Mas argazkiak Pere Aragonès bideoak