Politika -

hauteskunde ondoko hitzarmenak

Errejonek dio PPk goberna ez dezan ahalegin guztiak egingo dituztela

Podemoseko agintariak jakinarazi duenez, dagoeneko eskaini diote PSOEri Kongresuan legeak egiteari ekitea, Gobernu berria eratzeari itxaron gabe.

Agentziak | Erredakzioa

Whatsapp Facebook Twitter Telegram Email

Podemos alderdiko buruetako bat eta Idazkaritza Politikoaren arduraduna den Iñigo Errejonek gaur Bilbon baieztatu duenez, bere alderdiak eginahal guztiak egingo ditu PPk Espainiako Gobernua berriz zuzendu ez dezan.

Errejonek ostiralean hasi eta igandera arte Bilbon eta Gasteizen egin den Podemos Euskadiko Neguko Unibertsitatea itxi du gaur Bizkaiko hiriburuan. Bertan, abenduaren 20ko hauteskundeetan izandako emaitzei buruzko hausnarketa egin du, baita alderdiak 2016rako dituen erronkei buruz ere.

Podemoseko arduradunak azaldu du bere alderdia PPk berriz ere Espainiako Gobernuan errepikatzeko aukeraren aurka dagoela, zeren "erabat tamalgarria da: ustelkeriari dagokionez, inpunitatearen bermea da; gizarte arloari dagokionez, desberdintasunaren eta erdi-klasearen eta langileen aurkako zartadena; eta demokraziari dagokionez, atzerapauso gehiago ekarriko dizkigu".

"Horregatik, gure esku dagoen guztia egingo dugu PPk Gobernuan segi ez dezan", nabarmendu du.

Errejonek argi utzi nahi izan du "Podemoseko bozeramaileetako inork ez duela inoiz lero gorrie buruz hitz egin" Espainiako hurrengo Gobernua hitzartzeko, eta hori "aurkariak eta komunikabideek jartzen duten etiketa bat dela".

Podemoseko agintariak jakinarazi duenez, dagoeneko eskaini dio PSOEri Kongresuan legeak egiteari ekitea, Gobernu berria eratzeari itxaron gabe, "krisi ekonomikoak gehien kaltetu dituenen zerbitzuan jartzeko".

Aldi berean, baieztatu du bere alderdiak ez duela nahi hauteskundeak errepika daitezen; hala ere, gertatuz gero ez diotela "beldurrik" gaineratu du.

Hau zure interesekoa bada, baliteke beste gai hauek ere izatea
Berriak Politika Albisteak Alderdi Popularra Eguneko albisteak Podemos