Politika -

Harrapaketa

Muriel Casals (Junts pel Sí), larri txirrindulari batek kolpatu ostean

Diputatua Bartzelonako Ospitale Klinikoan dago, atzo arratsaldean txirrindulari batek aurretik eraman eta gero.

Muriel Casals Raül Romevarekin batera. Artxiboko irudia. EFE.
Muriel Casals Raül Romevarekin batera. Artxiboko irudia. EFE.
Muriel Casals Raül Romevarekin batera. Artxiboko irudia. EFE.

Agentziak 1 Erredakzioa

Whatsapp Facebook Twitter Telegram Email

Junts pel Sí alderdiko diputatu Muriel Casals ospitalean dago zauri larriekin, atzo arratsaldean txirrindulari batek harrapatu eta gero.

Bartzelonako Ospitale Klinikoak jakinarazi duenez, Casalsen egoera "egonkorra da, larritasunaren barruan", eta Zainketa Intentsiboetako Unitatean (ZIU) dute ingresatuta.

Istripua atzo arratsaldean jazo zen, Bartzelonan, txirrindulari batek diputatua harrapatu zuenean. Kolpearen ondorioz "hematoma subdurala eragin dion traumatismo kraneoentzefalikoa dauka, eta, horrenbestez, dreinadura kirurgikoa egin behar izan zaio". Horrez gain, azpil-hezurrean haustura bat dauka, baina ospitalearen arabera horrek "ez du larritasunik".

Muriel Casals Omnium Cultural erakundeko presidentea izan zen, baina kargua utzi zuen Junts pel Sí alderdiko zerrendetan Kataluniako 2015eko irailaren 27eko hauteskundeetara aurkeztu ahal izateko.

Hau zure interesekoa bada, baliteke beste gai hauek ere izatea
Zirkulazio Istripuak Politika Bartzelona albisteak Albisteak