Politika -

Auzitegi Nazionala

ANC ikertuko dute, Katalunian mozio independentistak bultzatzeagatik

Epaileak Kataluniako Asanblea Nazionalaren inguruko txostenak eskatu dizkio Poliziari.

2015eko Diada. Argazkia: EFE
2015eko Diada. Argazkia: EFE
2015eko Diada. Argazkia: EFE

AGENTZIAK | ERREDAKZIOA

Whatsapp Facebook Twitter Telegram Email

Ismael Moreno Auzitegi Nazionaleko epaileak Kataluniako Asanblea Nazionala (ANC) ikertzeko agindua eman du, udaletxeetan mozio independentistak eztabaidatzea bultzatuz, errebolta eta sedizio delituak egin dituelakoan.

Gaur zabaldutako autoaren arabera, Vicheko Udalak independentziaren alde onartutako adierazpena legez kanpokoa izan daitekeen edo ez ikertuko du epaileak, eta horretarako, Espainiako Poliziari, Guardia Zibilari eta Esquadra Mossoei ANCri buruzko txostenak eskatu dizkie. Era berean, Kataluniako Independentziaren aldeko Udalerrien Elkartea eta Kataluniako Udalerrien Elkartea ikertzeko galdegin die.

Epaileak uste du Kataluniako Parlamentuak independentziaren alde onartutako adierazpena babesteko mozioak “bultzatu eta sustatu” zituztela hiru elkarteek. Horrenbestez, talde horien inguruko informazio zehatza eskatu du: estatutuak, elkarteko kideen zerrendak, finantzazio-iturriak nahiz haien jarduna.

Auzitegi Nazionaleko Fiskaltzak hala eskatuta hasi du ikerketa Ismael Moreno epaileak.

Hau zure interesekoa bada, baliteke beste gai hauek ere izatea
Katalunia Kataluniako erreferenduma Eguneko albisteak Kataluniako hauteskundeak