Politika -

Errege Kopako finala

Espainiako ereserkiari txistu egitea delitua dela uste du Fiskaltzak

Athleticek eta Bartzelonak jokatutako Kopako finalean sekulako txistualdia egin zuten ikusleek Espainiako ereserkiaren aurka.

Athleticeko jarraitzaileak 2015ko Errege Kopako finalean. Argazkia: EiTB
Athleticeko jarraitzaileak 2015ko Errege Kopako finalean. Argazkia: EiTB
Txistualdi erraldoia egin dute Camp Nou-en, Espainiako himnoaren aurka

1:08

AGENTZIAK | ERREDAKZIOA

Whatsapp Facebook Twitter Telegram Email

Auzitegi Nazionaleko Fiskaltzak delitu zantzuak antzeman ditu joan den maiatzaren 30ean Athleticek eta Bartzelonak jokatu zuten Errege Kopako finalean ikusleek Espainiako ereserkiaren aurka egindako txistualdian.

"Erregeari eta Espainiako ikurrei irain" egin zitzaiela ulertzen du Fiskaltzak, hain zuzen ere.

EFE albiste-agentziak Ministerio Publikoaren iturriak aipatuta zabaldu duenez, Manos Limpiasek txistualdi horren ondotik aurkeztutako salaketa Auzitegi Nazionalak onartzearen alde egin du Fiskaltzak.

Arestian aipatutako delituak Zigor Kodearen 490.3 eta 543 artikuluetan agertzen dira eta, ondorioz, Auzitegi Nazionalari dagokio gertakaria ikertzea.

Partida hasi aurretik, bolumen altuan, Espainiako ereserkia jarri zuten Camp Nou futbol zelaian. Une horretan ia minutu bateko iraupena izan zuen sekulako txistualdia egin zuten bertan bildutako 95.000 ikusleen gehiengo zabalak.

Egun hartan Felipe VI.ena zegoen palkoan. Bere lehendabiziko Kopako finala zen, errege izendatu zutenetik.

Athleticek eta Bartzelonak jokatutako aurreko beste finaletan (2012an Vicente Calderonen eta 2009an Mestallan) ere txistualdi zaratatsuak izan ziren Espainiako ereserkiaren eta Juan Carlos I.ena erregearen aurka.

Hau zure interesekoa bada, baliteke beste gai hauek ere izatea
Athletic Politika albisteak Bartzelona bideoak Albisteak