Getafeko udaletxea miatu dute, ustelkeria auzi bat tarteko

Espainiako Poliziak Getafeko udaletxea miatu du astelehen honetan, epaile batek hala aginduta, ustezko ustelkeria auzi baten harira.

Madrilgo Auzitegi Nagusitik azaldu dutenez, ikerketa sekretua da, eta duela 8 hilabete baino gehiago hasi zuen epaileak.

EFE agentziaren arabera, epaileak irregulartasunak atzeman ditu joan den legegintzaldiko kudeaketan, alkatea Juan Soler (PP) zenean. Hain zuzen ere, antzoki bat berreraikitzeko kontratuaren esleipenean atzeman dituzte.

Proiektua 2013an esleitu zuten, eta Hirigintza Plana aldatu behar izan zuten, antzokia sei solairukoa izan zedin, debekatuta baitzegoen.