Politika -

Igandea

Podemos Euskadi Aberri Eguna ospatu ala ez ari da aztertzen

Hala eta guztiz ere, "sekula ez" luke ospatuko "identitate edo nazionalismo ikuspuntutik", baizik eta "eskubideetan eta askatasunean" oinarritutako aberriaren prismatik.

Maura eta Alba. Argazkia: Efe
Maura eta Alba.
Maura eta Alba. Argazkia: Efe

agentziak | erredakzioa

Whatsapp Facebook Twitter Telegram Email

Podemos Euskadi aztertzen ari da Aberri Eguna ospatu ala ez, baina argitu du ospatzekotan "sekula ez" lukeela egingo "identitate edo nazionalismo ikuspuntutik", baizik eta "eskubideetan eta askatasunean" oinarritutako aberriaren prismatik.

Eduardo Maura Podemos Euskadiren Politika idazkaria izan da proposamena egin duena, Aberri Eguna ospatzeko ez dela "beharrezkoa abertzale izatea" iritzita.

Maurak azaldu duenez, aberriaren kontzeptuari esanahi berria eman nahi diote jatorria "eskubideetan eta askatasunean oinarritu" behar delakoan. Mauraren arabera, "aberria jendea da, aberria zerbitzu publiko onak dira, inor atzean utzi gabe, eta jendea are erosoago sentiaraztea".

Podemosek "nazio anitzeko sustraia" duela azpimarratu ondoren, Aberri Eguna "edonork" ospa dezakeela adierazi du.

Maurak esan du egunotan erabakiko dutela Aberri Eguna ospatu ala ez, baina ospatzekotan, ez omen da izango alderdi abertzaleek egiten duten ekitaldi politikoen tankerakoa.

Hau zure interesekoa bada, baliteke beste gai hauek ere izatea
Euskal aberriaren eguna Gaurko azken orduko albistea Podemos albisteak Euskadiko Podemos-eko albisteak