Publizitatea
X

Irratia zuzenean

2016ko Espainiako hauteskunde orokorrak: EiTB Focus inkesta

Politika

Hauteskunde orokorrak Euskadin

Unidos Podemos bozetan gailendu eta EAJren pare legoke eserlekuetan

eitb.eus

2016/05/19

Espainiako hauteskundeei buruzko EiTB Focus inkestaren bigarren alea. Horren arabera, EAJk eta Podemosek 6na diputatu lortuko lituzkete Euskadin.

7:09
  • Partekatu
  • Bidali

Iruzkinak

Unidos Podemos koalizio eratu berriak (Podemos eta Ezker Batua alderdien artean adostutako itunetik sortutakoak) lortuko lituzke boto gehien EAEn ekainaren 26an egingo diren Espainiako hauteskunde orokorrei begira, 'EiTB Focus' makroinkestaren arabera.

Unidos Podemosek eta Euzko Alderdi Jeltzaleak (EAJ) lehia estua izango lukete; izan ere, biek eskuratuko lituzkete 6 eserleku; dena dela, koalizio ezkertiarrak % 3,4ko boto-aldea bereganatuko luke bere alde EAE osoan.

Bizkaian, EAJk lortuko luke garaipena, eta Unidos Podemos, berriz, Gipuzkoan eta Araban gailenduko litzateke, azken lurralde horretan alde handiaz, gainera. Hor lortuko luke seigarren eserlekua.

Lehendabiziko aldia da Unidos Podemos koalizioak lortuko lituzkeen emaitzak zein izango liratekeen islatzen direna; izan ere, inkesta maiatzaren 11n eta 12an egin zen.

Hauteskunde orokorrak 2016, Euskadin

EiTB Focus inkestaren arabera, Unidos Podemosek botoen % 28,8 jasoko lituzke EAEn; horrela, abenduko hauteskundeetan bi alderdiak batera aurkeztu izan balira, eskuratu izango zuketen antzeko ehunekoa (% 29,2) lortuko lukete.

EAJk, bere aldetik, botoen % 25,4 bereganatuko lituzke, duela lau hilabete baino 0,5 puntu gehiago. EH Bildu hirugarren izango litzateke, boto-emaileen % 15,5ek (+ % 0,3) egingo bailuke koalizio abertzalearen alde. Ondoren, PSE-EE (% 13,1) legoke; apur bat egingo luke bera, eta eserleku bat gal lezake. Jarraian, PPk botoen % 10,5 eskuratuko luke, puntu bat baino gehiagoko jaitsiera izanik (- % 1,2) eta, azkena, Ciudadanos litzateke (% 4,5), igoera txiki bat lortuta.

Boto asmoa, Euskadin

eitb focus euskadi boto asmoa portzentaia euskeraz

Eserlekuak kontuan hartuta, Unidos Podemosek eta EAJk 6 diputatu izango lituzkete; PSE-EEk, 2; eta EH Bilduk eta PPk, 2na.

Eserlekuen estimazioa, Euskadin

eitb focus euskadi eserlekuen estimazioa euskeraz

Lurraldeka, Araban oso argia izango litzateke Unidos Podemosen garaipena, eta, inkestaren arabera, PSE-EEri kenduko lioke abenduan lortutako diputatu bakarra. EAJk eta PPk eserleku bana jasoko lukete, duela lau hilabete bezala, eta EH Bildu esku hutsik geratuko litzateke berriz.

Eserlekuen estimazioa, Araban

ARABA ESERLEKUEN ESTIMAZIOA EITB FOCUS 19/05/2016

Boto asmoa, Araban

eitb focus araba boto asmoa euskeraz

Bizkaian, EAJk argi irabaziko luke, eta 3 diputatu bereganatuko lituzke. Unidos Podemosek 2 izango lituzke, eta EH Bilduk, PSE-EEk eta PPk, bana.

Eserlekuen estimazioa, Bizkaian

BIZKAIA ESERLEKUEN ESTIMAZIOA EITB FOCUS 19/05/2016

Boto asmoa, Bizkaian

eitb focus boto asmoa bizkaia euskeraz

Gipuzkoan, emaitzak aurrekoaren antzekoak izango lirateke. Horrenbestez, Unidos Podemosek irabaziko luke, baina eserlekutan berdindu egingo luke EAJrekin. Bina diputatu jasoko lukete. EH Bilduk eta PSE-EEk bana izango lukete.

Eserlekuen estimazioa, Giouzkoan

GIPUZKOA ESERLEKUEN ESTIMAZIOA EITB FOCUS 19/05/2016

Boto asmoa, Gipuzkoan

eitb focus boto asmoa gipuzkoa euskeraz

Abenduko alderdi berberaren alde bozkatuko zenuke?

Abenduko hauteskunde orokorretan emandako botoa errepikatu egingo luketen galdetuta, inkestatuek hauxe erantzun dute:

eitb focus mismo voto 20D 26J euskeraz

Nor nahi duzu izatea Espainiako hurrengo presidentea?

Hauteskundeetatik aterako den presidentea nor nahi duten izatea galdetuta, % 60k ez du inolako lehentasunik agertzen.

eitb focus preferencia próximo presidente euskeraz

Hauteskude Orokorrak errepikatzeari buruz duten iritzia

Euskadin, herritarrek begi txarrez ikusten dute hauteskundeak berriz ere egin behar izatea.

EITB FOCUS OPINIÓN REPETICIÓN ELECCIONES GENERALES EUSKERA

Hauteskunde Orokorrak errepikatzearen arduradun nagusia

Inkestan parte hartu dutenen iritziaren arabera, hauteskundeak berriro egotearen erantzule nagusia Pedro Sanchez da.

eitb focus máximo responsable de la repeticion de elecciones euskeraz

Lider politikoen jokabidearen balorazioa

Espainiako politikariek ez dute balorazio onik jasotzen Euskadin. Inork ez du gainditzen "irakasgai" hori.

eitb focus valoración actuación líderes políticos euskeraz

Noren kalterako da eta noren alderako hauteskunde orokorrak berriro egin behar izatea?

PSOE litzateke alderdirik kaltetuena hauteskunde berrietan Euskadiko herritarren % 39,4aren iritziz; bien bitartean, % 38,5ek uste du PPri onura egingo diola.

eitb focus perjudicados beneficiados repetición elecciones euskeraz

Itxurak egiten ibili dira ala lan serioa egin nahi izan dute?

10etik 9k uste du itxura egiten ibili direla abenduko hauteskundeen ostean gobernua osatzeko ardura izan duten lau alderdiak.

eitb focus postureo partidos politicos euskeraz

Euskal agendaren kezkaz ibili al dira espainiar liderrak?

Inkestatuen % 74,5aren aburuz, lau alderdiek oso baztertuta izan dute euskal agenda akordioetara iristeko garaian.

eitb focus preocupación sobre agenda vasca euskeraz

Fitxa teknikoa

Inkesta EAEn egin da, 1.200 pertsona galdekatuta (400na lurralde bakoitzeko), % 95eko konfiantza mailarekin.

Eremu ikerketari dagokionez, 2016ko maiatzaren 11 eta 112 egunen artean egindako lana izan da, telefono bidezko elkarrizketen bidez.

Gizaker konpainiak egin du inkesta, EiTBren albistegientzat, eta hurrengo hilabeteetan datu gehiago ematen jarraituko du. Ikerketak bi zati izango ditu: lehenengoa egonkorra izango da (boto asmoa gehienbat) eta beste bat tematikoa (aldakorra izango da inkesta bakoitzean). Lehenengo tematikoa Hezkuntzari buruzkoa izan zen. Hurrengoa larunbat honetan argitaratuko da, eta ekonomia izango du hizpide.

Iruzkinak

Publizitatea
Publizitatea

NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena