Politika -
2016aren balantze politikoa
Llanos: 'EAJren eta PPren arteko akordio handien garaia da'
Euskadiko PPko idazkari nagusiaren esanetan, horretarako beharrezkoa da elkar errespetatzea eta leialak izatea.
AGENTZIAK | ERREDAKZIOA
Nerea Llanos Euskadiko PPko idazkari nagusiak gaur adierazi duenez, "EAJren eta PPren arteko akordio handien garaia da eta horretarako beharrezkoa da elkar errespetatzea eta leialak izatea".
Urtearen balantze politikoa egiteko Llanosek gaur egin duen prentsaurrekoan, EAJren iraganeko jarrera kritikatu du eta, ez hori bakarrik, "arduragabea" izan zela adierazi du. Hala ere, aldi berean, bi alderdien arteko akordioak lortzeko deia egin du.
PPko buruzagiaren esanetan, 2016a blokeo politikoaren eta hauteskundeen urtea izan da, harik eta Rajoyk Gobernua osatzea lortu zuen artea.
Llanosek Espainiako Aurrekontuak ere hizpide izan ditu: "Guztioi interesatzen zaigu Aurrekontuak onartzea". Gaineratu duenez, Espainiako Aurrekontuak onartuta EAJk herritarrei egingo lieke mesede, ez PPri.