Politika -

Birsortzea

Sortuk zuzendaritza berriko 15 kide aukeratuko ditu gaurtik aurrera

Urtarrilaren 21ean Birfundazio Kongresua egin aurretik emango duten azken urratsa da. Arnaldo Otegi izango da idazkari nagusia.

Sortuk birfundazio-kongresua egingo du urtarrilaren 21ean Iruñean. Artxiboko argazkia: EFE
Sortuk birfundazio-kongresua egingo du urtarrilaren 21ean Iruñean. Artxiboko argazkia: EFE
Azken txanpan sartu da Sorturen birfundazio prozesua

Agentziak | Erredakzioa

Whatsapp Facebook Twitter Telegram Email

Sorturen militantziak alderdiko Batzorde Nazionalaren 15 kide aukeratuko ditu urtarrilaren 9tik aurrera, zerrenda irekien bidez aurkeztutako 37 hautagaien artean. Horietatik 10 Euskal Herri osoan hautatuko dituzte, eta bana Araban, Gipuzkoan, Bizkaian, Nafarroan eta Iparraldean.

Azken fasea da urtarrilaren 21ean alderdiak Iruñean kongresua egin aurretik. Arnaldo Otegi hautatuko dute idazkari nagusi.

Lehen fasean, zuzendaritzako 14 kide hautatu zituzten: hautagaitza nazionaleko 9 eta bana Araban, Gipuzkoan, Bizkaian, Nafarroan eta Iparraldean. Arnaldo Otegik gidatutako zerrendako hautagaiak bozkatu zituzten, eta % 95eko babesa lortu zuten. Ez zen beste zerrendarik aurkeztu.

Astelehen honetan martxan ipiniko duten fasean, militanteek 15 kide hautatu beharko dituzte, 37 hautagaien artean: Agus Figal, Anita Lopepe, David Cobos, Domeka Lasarte, Elena Beloki, Endika Perez, Eneko Barberena, Eneko Compains, Floren Aoiz, Galder Gonzalez, Gorka Etxeberria, Gorka Ortiz de Guinea, Gorka Zozaia, Ibon Meñika, Igor Ortega, Iñaki Olalde, Iñaki Zugadi, Iñaki Erkiaga, Jean François Lefort, Jon Ander Resa, Joseba Garmendia, Julen Larrinaga, Karlos Renedo, Karmelo Landa, Lur Albizu, Maite Sabalza, Marian Beitialarrangoitia, Mikel Egibar, Mikel Luloaga, Nekane Zinkunegi, Nerea Guijarrubia, Oier Azkarraga, Rufi Etxeberria, Saul Curto, Unai Urruzuno, Xabi Larralde eta Xabier Alegria. Militante bakoitzak 11 pertsona bozkatu ahal izango ditu.

Hau zure interesekoa bada, baliteke beste gai hauek ere izatea
Arnaldo Otegi berriak Politika albisteak Albisteak Sortu Gaurko azken ordukoa