Politika -
Ekimen instituzionalak
'Guernica'ren itzulera eskatzeko mozioa erregistratuko du EH Bilduk
Picassoren margolana Gernikara eraman dezaten eskatzeko mozioak aurkeztuko dituzte hainbat erakunde instituzionaletan.
AGENTZIAK | ERREDAKZIOA
Pablo Picassoren 'Guernica' artelana Gernikako udalerrira eraman dezaten eskatuko du EH Bilduk hainbat erakunde instituzionaletan erregistratutako mozioen bitartez, hala nola, udaletan, Batzar Orokorretan, Eusko Legebiltzarrean, Nafarroako Parlamentuan eta Diputatuen Kongresuan.
Horren harira, 'Guernica'ren horma-pinturaren aurrean bildu dira larunbat honetan Gernikan EH Bilduko hainbat ordezkari iragarpen hori egiteko. Marian Beitialarrangoitia diputatuak adierazi duenez, "margolan horrek ez dauka zentzurik Gernikako historiari lotuta ez badago, Gernikan jazotako sarraskian oinarritu baitzen Picasso bere artelana egiteko". "'Guernica' Gernikan egon behar da", gaineratu du.
"Une hauetan funtsezkoa da sufrimendu guztiak aitortzen dituen memoria historikoa eraikitzea, eta 'Guernica' Gernikan egoteak bere indarra biderkatzen du, eta horren bidez egiten den salaketa", azaldu du.
