Politika -
Omenaldia
Sara Buesa: 'Sektarioa izan den gizartea aldatu behar dugu'
Fernando Buesa eta Jorge Diez omentzeko ekitaldia egin dute Gasteizen, ETAk hil zituela 17 urte bete direnean. Terrorismoaren biktima guztiek aitortza merezi dutela esan du.
Agentziak | Erredakzioa
Asteazken honetan, Fernando Buesa eta Jorge Diez omentzeko ekitaldia egin dute Gasteizko Artium Museoan, ETAk hil zituela 17 urte bete direnean. Sara Buesaren arabera, ETAren terrorismoaren aurrean euskal gizarteak ez zuen gizatasunik izan, herritarrak oso alderdikariak izan baitira. Ildo horretatik, biktimak ez ahazteko eskatu du politikari sozialistaren alabak.
“Urteotan bizi izan dugun beldurraren aurrean isiltasuna izan da nagusi. Terrorismoaren eta biolentziaren inguruan ezin zen hitz egin, tabua zen”, nabarmendu du Sara Buesak.
Gasteizko Artium Museoan egindako omenaldian biktima guztiak berdinak direla azpimarratu du Buesak, eta ETAren terrorismoa desligitimatzeko eskatu dio euskal gizarteari.
Horren iritzian, “GALen biktima batek ere errefusa dezake ETAren indarkeria”, eta erakundeen aldetik arreta handiagoa izatea eskatu, eta ETAko kide baten senide batek horren ekintzak kritika ditzake eta horiek egindako minarekin sentibera ager daiteke, eta, aldi berean, senidea hurbiltzeko eta kartzelan tratu duina izateko eska dezake.