Politika -

Otsailetik, aske

Arantza Zuluetak baldintzapean aske jarraituko du

Fiskaltzak eta AVTk abokatua berriz espetxeratzeko eskatu dute, baina Auzitegi Nazionaleko Angela Murillo epaileak ez du eskaria aintzat hartu.

Arantza Zulueta. Argazkia: EiTB
Arantza Zulueta. Argazkia: EiTB

AGENTZIAK | ERREDAKZIOA

Whatsapp Facebook Twitter Telegram Email

Auzitegi Nazionalak Arantza Zulueta abokatua baldintzapeko askatasunean mantentzea erabaki du. Fiskaltzak eta Terrorismoaren Biktimen Elkarteak (AVT) Zulueta berriz espetxeratzeko eskatu dute, baina epaileak ez du eskaria aintzat hartu.

Zulueta otsailaren 25ean utzi zuten aske, 20.000 euroko bermea ordainduta. Hiru urte eman ditu behin-behineko kartzelaldian, eta bakartuta. Arantza Zulueta 2014ko urtarrilean atxilotu zuten, presoen abokatuen kontrako operazio batean.

Fiskaltzak eta AVTk Arantza Zulueta berriz kartzelatzeko eskatu zuten ihes egin eta delitua berriz egiteko arriskua zegoela argudiatuta. Epaileak, aitzitik, ez ditu aintzat hartu argudioak.

Horrenbestez, otsailean aske gelditu zenean ezarri zizkioten behin-behineko neurriak bete beharko ditu: hamabost egunetik behin epaitegira joan beharko du sinatzera, pasaportea erretiratuko diote eta ezingo du Estatu espainiarretik atera.

Hau zure interesekoa bada, baliteke beste gai hauek ere izatea
Auzitegi Nazionala berriak Politika Presoak albisteak Gaurko azken orduko albistea