Politika -

Bakea Euskadin

Armagabetzean parte hartzeko deia egingo dute 'bakearen artisauek'

Baionan deitu duten agerraldian, 'pertsona ezagunek' prozesuan parte hartzeko deia egingo diete herritarrei.

'Bakearen artisauetako' batzuk asteburuan Biarritzen egindako jardunaldi batzuetan. EiTB
Bake Bidean. EiTB
'Bakearen artisauetako' batzuk asteburuan Biarritzen egindako jardunaldi batzuetan. EiTB

Europa Press

Whatsapp Facebook Twitter Telegram Email

'Bakearen artisauek', bake prozesuan laguntzeko prest agertu diren Iparraldeko gizarte eragileek, ETAren armagabetzea babestuko duten 'pertsona ezagunek' armagabetzearen egunean parte hartzeko deia egingo dute gaur, martxoak 23, Europa Press albiste agentziak prozesua gertutik ezagutzen duten iturriak aipatuta jakinarazi duenez.

Txetx Etcheverryk, 'bakearen artisau' horietako batek, Le Monde egunkariari ostiralean esan zionez, apirilaren 8rako "erabat" armagabetuta egongo da ETA. Ekitaldi berezia iragarri zuen Etcheverryk egun horretarako, eta prozesuan "gizarte zibileko" ehunka lagunek parte hartuko dutela aurreratu zuen.

Horren ildoan, agerraldia deitu dute gaurko Baionan. Ekimenaren sustatzaileek argitu dutenez, ez dute apirilaren 8ko ekitaldiaren datu gehiago eskainiko, baina 'pertsona ezagunek" armagabetzearen egunean parte hartzeko deia egingo diete herritarrei.

Hau zure interesekoa bada, baliteke beste gai hauek ere izatea
Iparraldea bideoak Gaurko azken orduko albistea Adiskidetzea Euskadin