Politika -

ETA-REN ARMAGABETZEA

Armagabetzean laguntzeko eskatu die Legebiltzarrak Gobernuei

PP ez gainerako Eusko Legebiltzarreko alderdi politiko guztiek ETAren armagabetze 'osoa, behin betikoa, alde bakarrekoa eta egiaztagarria' babestu dute.

Eusko Legebiltzarrak babesa agertu dio ETAren armagabetzeari. Argazkia: EFE
Eusko Legebiltzarrak babesa agertu dio ETAren armagabetzeari. Argazkia: EFE

AGENTZIAK | ERREDAKZIOA

Whatsapp Facebook Twitter Telegram Email

Eusko Legebiltzarrak ia aho batez babestu du ETAren armagabetzea. PPk ez beste alderdi politikoek armagabetze "osoa, behin betikoa, alde bakarrekoa eta egiaztagarria" egitea eskatu diote ETAri. Aldi berean, armagabetzean laguntzeko dei egin die Eusko Legebiltzarrak Espainiako eta Frantziako Gobernuei.

Legebiltzarreko osoko bilkurak ETAren armagabetzeari buruz EAJk eta PSE-EEk aurkeztutako ez legezko proposamena onartu du, ia aho batez. Bozketan, EAJk, PSE-EEk, EH Bilduk eta Elkarrekin Podemosek alde bozkatu dute eta PPk kontra.

Onartutako testuan, "ahalik eta azkarren" armagabetze "osoa, behin betikoa, alde bakarrekoa eta egiaztagarria" egitea eskatu diote ETAri. Gainera, armagabetzea burutzeko egindako "lan onari" segida emateko galdegin diote Nazioarteko Egiaztatze Batzordeari.

Halaber, Eusko Legebiltzarrak gizarte zibilak izandako "inplikazioa" ontzat jo du.

Bestalde, armagabetzea burutu dadin lanean jarraitzeko eskatu diote Eusko Jaurlaritzari, eta Espainiako eta Frantziako Gobernuei, aldiz, armagabetzean laguntzea.

Hau zure interesekoa bada, baliteke beste gai hauek ere izatea
Berriak Politika Euzko Alderdi Jeltzalea Eusko Legebiltzarra albisteak Euskal Autonomia Erkidegoa albisteak ETA EH Bildu Nafarroa Euskal sozialistak Euskadiko PP bideoak Podemos Ahal Dugu Euskadi Bakea eta adiskidetzea Euskadin