Publizitatea
X

Irratia zuzenean

Oier Gomez presoaren aurkako hiru euroaginduak eten dituzte

Politika

PARIS

Oier Gomez presoaren aurkako hiru euroaginduak eten dituzte

EITB.EUS

2017/04/26

Datozen orduotan preso gasteiztarra aske utziko dute. Oiertxo SOS plataforma pozik agertu da erabakiarekin, eta 'garaipen kolektiboa' izan dela esan du.

  • Partekatu
  • Bidali

Iruzkinak

Oier Gomez larri gaixo dagoen presoaren aurkako hiru euroaginduak etetea erabaki du gaur Paueko Apelazio Auzitegiak. Astelehenean bere espetxe zigorra etetea erabaki zuen Frantziak, eta horrenbestez, datozen orduotan aske utziko dutela jakinarazi du Oiertxo SOS plataformak.

Ewing sarkoma du Gomezek, eta horrek metastasia eragin dio pelbisean eta buruan. Medikuaren azken diagnostikoaren arabera, sei hilabeteko bizi itxaropena du.

Parisko Apelazio Auzitegiko epailea eta prokuradorea joan den astean joan ziren Gomez presoa bisitatzera, Pitie-Salpetriere ospitalera, haren egoeraren berri bertatik bertara izateko, eta astebeteren buruan eman dute euroaginduak eteteko erabakia.

Oiertxo SOS plataforma pozik agertu da erabakiarekin, eta "garaipen kolektiboa" izan dela esan du. Herritarrei borrokan jarraitzeko deia egin die, harik eta larri gaixo dauden preso guztiak askatu arte. Oraindik, 21 euskal preso daudela larri gaixorik gogora ekarri du plataformak.

Iruzkinak

Publizitatea
Publizitatea

NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena