Iñaki Oyarzabal Arabako PPko idazkari nagusi aukeratu dute berriz

Iñaki Oyarzabal aukeratu dute berriro ere Arabako PPko idazkari nagusi larunbat honetan, botoen % 98,97 lortuta. Alderdi Popularrak XIV. Kongresua egin du gaur goizean Gasteizen, eta berak aurkeztutako hautagaitza izan da militanteek bozkatu zezaketen aukera bakarra, bera izan baita alderdia zuzentzeko hautagaitza aurkeztu duen pertsona bakarra.

Lurralde horretan 310 alderdikide inguruk botoa eman ondoren, 2019. urteko hauteskundeetan Alderdi Popularrak Arabako lehen indarra izaten jarraitzeko aukera izan dezan Gasteizko eta Arabako herritarren konfiantza lortzea ezinbestekoa dela esan du Oyarzabalek.

Ildo horretatik, Gasteizko eta Arabako herri txikietan herritarren konfiantza bereganatzea lortu behar dutela esan du, eta, hori lortzeko, ikuspuntu desberdinak dituzten pertsonak aukeratu behar dituztela esan du.

?Elkarrizketa da aurrera egiteko bidea?

Beste alde batetik, Iñigu Urkullu lehendakariak eta Carles Puigdemont Kataluniako Generalitateko presidenteak astelehen honetan izango duten bilera izan du hizpide Alfonso Alonso EAEko PPren presidenteak. Ildo horretatik, Puigdemonti ?aurrera egiteko bidea elkarrizketa? dela erakustea espero duela esan dio Urkulluri, eta harengatik ?ezer ez ikasteko? esperantza duela esan du.

Era berean, Urkulluk ez duela Puigdemontek hartutako bidea jarraitu behar azpimarratu du Alonsok, eta biharko bileraren aurrean kezkatuta agertu da.

?Lehendakariak erradikalei, Espainia apurtu nahi duten horiei, keinuak egitea kezkatzen nau?, gaineratu du EAEko PPren presidenteak.

Arrazoi horregatik, Puigdemonti ?aurrera egiteko bidea elkarrizketa? dela erakusteko eskatu dio Urkulluri. Bere esanetan, helburu nagusia akordioa lortzea da, eta Kataluniak hartutako ?bide txarra? Euskadik hartu ez dezan Alderdi Popularra hor egongo dela ziurtatu du.

Beste bi kongresu

Gasteizen larunbat honetan egindako XIV. Kongresuarekin, PPk EAEko idazkari nagusiak aukeratzeko aurten egitekoak zituen hiru kongresuak amaitu ditu. Gipuzkoan, Borja Semper aukeratu zuten alderdi horretako presidente, % 90,52ren babesarekin. Bizkaian, berriz, Raquel Sanchez lortu zuen garaipena, botoen % 56 lortuta.

Bizkaia izan zen alderdia zuzentzeko bi hautagai aurkeztu ziren lurralde bakarra: Raquel Gonzalez Getxoko zinegotzia eta Nerea Llanos, EAEko PPko idazkari nagusi ohia.