Publizitatea
X

Irratia zuzenean

Frankismoaren krimenek ez dutela preskribatzen gogorarazi dute Bilbon

Politika

Larunbat honetan

Frankismoaren krimenek ez dutela preskribatzen gogorarazi dute Bilbon

Agentziak | Erredakzioa

2017/06/17

"Frankismoaren inpunitateari tolerantziarik ez" lelopean Bilboko kale nagusiak zeharkatu dituzte, frankismoan egindako krimenen inpunitatearekin amaitzeko eskatuz.

  • Frankismoaren aurkako martxa. Argazkia: EiTB

    Frankismoaren aurkako martxa. Argazkia: EiTB

    Frankismoaren aurkako martxa. Argazkia: EiTB
  • Partekatu
  • Bidali

Iruzkinak

Frankismoaren Krimenen Aurkako Kereilaren Euskal Elkarteak elkarretaratzea egin du larunbat arratsalde honetan Bilbon. Gerra Zibilean eta Francoren diktaduran zehar egindako krimenak gizateriaren aurkako delituak direla gogora ekarri dute. Gauzak horrela, inoiz ere ez dutela preskribatzen nabarmendu dute.

Frankismoan zehar egindako krimenen inpunitatearekin amaitzeko eskatu dute manifestazioan parte hartu duten pertsonek, eta Bilboko kale nagusiak zeharkatu dituzte frankismoaren inpunitateari tolerantziarik ez lelopean.

Manifestariek ikurrinak, bandera errepublikanoak edota komunistak eraman dituzte gainean, eta frankismoaren kontrako leloez gain, krimen guztiak ikertzeko eskatu dute.

Juan Maria Zulaika manifestazioan parte hartu duen bozeramailearen esanetan, “frankismoak 40 urte iraun zituen, baina diktadorea hil zenetik beste 40 urte isilik igaro dira jada”. Gauzak horrela, biktimei gertatutakoa argitzea eta zabaltzea eskatu du.

“Frankismoarekin amaitu eta demokrazia ezartzea eskatzen dugu, horren itzalak oraindik jarraitzen duelako”, gaineratu du Zulaikak.

Iruzkinak

Publizitatea
Publizitatea

NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena