Politika -

AUDITORIO AUZIA

Murtziako presidentea epaituko dute, prebarikazioa eta iruzurra leporatuta

Pedro Antonio Sanchezen kontrako auzibidearekin jarraitzea erabaki du epaileak.

Pedro Antonio Sanchez Murtziako presidente ohia. Artxiboko argazkia: EFE
Pedro Antonio Sanchez Murtziako presidente ohia. Artxiboko argazkia: EFE

AGENTZIAK | ERREDAKZIOA

Whatsapp Facebook Twitter Telegram Email

Murtziako Justizia Auzitegi Nagusiak Pedro Antonio Sanchez Murtziako Gobernuko presidente ohia epaituko du, Puerto de Lumbreras (Murtzia) udalerriko alkate zenean bertako auditorioa eraikitzerako eta kontrataziorako garaian prebarikazio eta iruzur delituak egitea leporatuta.

Aldeei gaur jakinarazi dieten autoan, Julian Perez Templado instrukzio epaileak Auditorio auziko aurretiazko izapideak amaitzea erabaki du.

Murtziako Justizia Auzitegi Nagusiaren arabera, Pedro Antonio Sanchezen kontrako auzibidearekin jarraitzea erabaki du epaileak, prebarikazio jarraitua, diru-laguntza publikoak lortzerakoan iruzurra egitea eta diru publikoa bidegabe erabiltzea egotzita.

Pedro Antonio Sanchezez gain, epaileak Martin Legajarraga auditorioaren proiektuaren arkitektoa eta Vicente Gimeno eraikitzailea ere gehitu ditu prozeduran. Bestalde, beste 18 inputaturen kontrako auzibideak artxibatzea erabaki du.

Magistratuak hamar eguneko epea eman die fiskalari, akusazioei eta aldeei, akusazioak aurkezteko edota auziaren artxibatzea eskatzeko.

 

 

Hau zure interesekoa bada, baliteke beste gai hauek ere izatea
Politika albisteak Alderdi Popularra Espainia bideoak Ustezko ustelkeria politikoa Ustelkeriaren mapa Espainian Gaurko azken orduko albistea