Politika -

Erronka independentista

'Mobilizazio gisa' babestuko du Colauren alderdiak U-1eko hitzordua

Catalunya en Comu alderdiaren aburuz, urriaren 1ean Katalunian izango den referenduma "ez da loteslea, mobilizazio legitimoa" baizik.

Urriaren 1ean izango da Kataluniako erreferenduma. Argazkia: EiTB
Urriaren 1ean izango da Kataluniako erreferenduma. Argazkia: EiTB
Urriaren 1ean izango da Kataluniako erreferenduma. Argazkia: EiTB

AGENTZIAK | ERREDAKZIOA

Whatsapp Facebook Twitter Telegram Email

Ezkerreko alderdiak batzen dituen Catalunya en Comu koalizioaren hitzetan, datorren urriaren 1ean Kataluniako independentziaren inguruan izango den galdeketa "ez da referendum loteslea, PPren geldikeriaren aurrean egindako mobilizazio legitimoa baizik".

Koalizio horren koordinakunde nazionala bildu da larunbat honetan Terrassan (Bartzelona), U-1aren aurrean hartu beharreko jarrerari buruz erabakitzeko.

Dena dela, ez dute argitu Catalunya En Comuko kideek galdeketan parte hartzera deituko duten, Xavier Domenech En Comu Podemeko diputatuak adierazi duenez, erabaki hori oraindik ez baitute hartu, referendumaren inguruan "zalantza asko" ikusten dituztelako.

Gauzak horrela, Exekutibak egindako proposamena onartu du Catalunya en Comuko koordinakunde nazionalak, 85 aldeko boza jasota.

Domenechen aburuz, "gatazkak konpontzeko esparrua da referenduma, ez Kataluniako subiranotasuna adierazteko lekua". Hala eta guztiz ere, litekeena da euren jarrera aldatzea, referendumaren ondoko gertakizunak eta Estatuaren erantzuna gorabehera.

Hau zure interesekoa bada, baliteke beste gai hauek ere izatea
Katalunia Politika albisteak Kataluniako erreferenduma gaur Alderdi politikoak Gaurko azken ordukoa Pere Aragonès bideoak