Politika -

Altsasuko gazteen auzia

Catalak errespetatu egiten du Altsasuko gazteei eskatutako espetxe-zigorra

Mikel Legarda EAJko diputatuak egindako galderari erantzunez, Altsasun gertatutakoa "larria" izan zela adierazi du Justizia ministroak.

Rafael Cata, Diputatuen Kongresuan. Argazkia: EFE.
Argazkia: EFE.
Catalak errespetatu egiten du Altsasuko gazteei eskatutako espetxe-zigorra

1:18

Agentziak | Erredakzioa

Whatsapp Facebook Twitter Telegram Email

Rafael Catala Justizia ministroak errespetua adierazi du Fiskaltzak Altsasuko gazteei eskatzen dizkien 62,5, 50 eta 12,5 urteko espetxe-zigorren aurrean. Catalaren hitzetan, gertaera “larria” izan zen, eta “ez du distantziakidetasunik onartzen”.

Kongresuko osoko bilkuran, Mikel Legarda EAJko diputatuak Altsasuko gazteei eskatu zaizkien zigorren inguruko iritzia emateko eskatu dio Justizia ministroari.

Ministroak fiskaltzaren eta Auzitegi Nagusiaren lanaren aurrean “errespetu osoa” duela adierazi du, eta auzi horretan inplikatuta daudenek “defentsarako berme guztiak” izango dituztela azpimarratu du.

Beldurra eragiteko asmoz egiten diren delituak gaur egun terrorismo delitutzat jotzen direla gaineratu du.

Altsasuko gazteen auziarekin euskal gizartea “erabat aho zabalik” dagoela nabarmendu du Legardak. Gainera, 2012tik bildutako datuen arabera, Euskadin eta Nafarroan guardia zibilei egindako erasoak (131) Estatuan jaso direnak (13.500) baino askoz gutxiago direla azpimarratu du EAJko diputatuak.

Alderdi jeltzaleak Altsasuko auziaren aurrean izan duen jarrera txalotu egin du Catalak Legardari erantzun dionean, eta beste alderdi batzuek bezala “distantziakidetasuna” erabili ez izana goraipatu du.

Azkenik, “pertsonen eskubideak defendatzeko bizia arriskuan jartzen duten agenteak” goraipatu ditu Catalak, eta Altsasuko erasoa “larria” izan zela azpimarratu du.

Hau zure interesekoa bada, baliteke beste gai hauek ere izatea
Auzitegi Nazionala berriak Diputatuen Kongresua albisteak Politika EAJ-PNV Albisteak Alderdi Popularra Nafarroa gaur Espainia argazkiak Gaurko titularrak Gaurko azken orduko albistea Altsasu Gazteak gaur