Politika -

Omenaldia

Miguel Angel Blanco omendu dute Madrilen Carmenaren aurkako protesta artean

Ekitaldira gerturatu direnek oihu artean hartu dute Manuela Carmena Madrilgo alkatea.

Miguel Angel Blancori omenaldia, Madrilen. Argazkia: EiTB.
Argazkia: EiTB.
Txistuka hartu dute Carmena PPk Miguel Angel Blancori egindako omenaldian

1:02

Agentziak | Erredakzioa

Whatsapp Facebook Twitter Telegram Email

Madrilgo Udalak ETAk duela 20 urte hil zuen Miguel Angel Blanco zinegotzia omendu du gaur, Manuela Carmena alkatearen kontrako protesta artean. Izan ere, Marimar Blancok eskatu arren, ez dute Miguel Angel Blancoren argazkirik eseki Cibelesko Jauregitik.

Omenaldian, Madrilgo Udaleko udal talde guztiek hartu dute hitza, publikoaren txistu eta oihu artean.

Ermuko zinegotziari gaur Madrilen egin zaion bigarren omenaldia izan da; izan ere, Madrilgo PPk beste ekitaldi bat antolatu du. Besteak beste, Cristina Cifuentes eta Marimar Blanco izan dira bertan.

“Oihuka dabilena oso oker dago, demokrazian errespetua beharrezkoa da”, esan du Jose Luis Martinez-Almeida Madrilgo Udaleko PPren bozeramaileak. Horrez gain, Carmenari eskerrak eman dizkio ekitaldira joateagatik, eta duela 20 urte izan zen elkartasuna gogorarazi du.

Manuela Carmenak eskerrak eman dizkie bertaratu direnei, “nire aldekoei zein kontrakoei”, eta Ermuko zinegotzia omendu du bere diskurtsoan. Gertatutakoa “izugarria” izan zela adierazi du, eta pertsonen hilketa ideologiarekin nahastea “izugarrikeria” dela gaineratu du.

Hau zure interesekoa bada, baliteke beste gai hauek ere izatea
Berriak Politika Albisteak Alderdi Popularra Espainia ETA albisteak Eguneko albisteak Gaurko azken orduko albistea Madril gaur Terrorismoaren Biktimak