Politika -

protesta

Ehunka gazteren manifestazioa Gasteizen, eredu sozial berri baten alde

Ernaik antolatuta, Arabako hiriburua zeharkatu dute, lan prekarietatearen aurka, besteak beste.

Ernairen manifestazioa, Gasteizen. Argazkia: EITB
Ernairen manifestazioa, Gasteizen. Argazkia: EITB
Gizarte eredu berri baten aldeko manifestazioa egin dute Gasteizen

1:07

agentziak | erredakzioa

Whatsapp Facebook Twitter Telegram Email

Ehunka pertsonak, gehienak gazteak, manifestazioa egin dute Gasteizen, Ernaik deituta, gizarte eredu berri baten alde.

Lur Albizu Ernairen bozeramaileak manifestazioaren aurretik azaldu duenez, gaurko eta Gernikan hilaren 17an egingo duten manifestazioak, eta egun berean Donostian egingo dutenak desberdinak dira. Lehenengo bietan gizarte ereduaren aldaketa da aldarrikapen nagusia, eta Donostiakoa turismo ereduaren aurkakoa izango da.

Kazetariei azaldu die Gasteizko eta Gernikako mobilizazioetan EAJk, PSEk eta PPk sustatzen duten gizarte ereduaren aurka egingo dutela protesta, "Euskal Herriko postalaren atzean beste herri bat" dagoela utzi nahi baitute agerian.

Horren harira, euskal gaztediak lan prekarietatea eta etxebizitza lortzeko zailtasunak dituztela salatu du.

Parte-hartzaileek manifestazioaren aurrealdean zeramaten pankartan hauxe irakur zitekeen: "Herria bizirik. Antolakuntza. Independentzia. Sozialismoa. Feminismoa. Postalen atzean bagara".

Hau zure interesekoa bada, baliteke beste gai hauek ere izatea
Politika albisteak Gasteiz berriak Gaurko azken orduko albistea