Politika -
Alderdi Eguna 2017
EAJk bere bideari eutsiko dio 'Pausoz pauso gure bidean' lelopean
Alderdi Eguna igande honetan egingo dute Forondako zelaietan. Jeltzaleek aurreneko ekitaldia antolatu zutenetik 40 urte beteko dira aurten.
Agentziak | Erredakzioa
Kataluniako prozesutik aldendu eta estrategia ezberdin propioari eutsiko dio EAJk Alderdi Egunean, 'Pausoz pauso gure bidean' lelopean.
Alderdi Eguna igande honetan egingo dute Forondako zelaietan, Gasteizen. Aurreneko ekitaldia antolatu zenetik 40 urte beteko dira aurten. Jeltzaleek 1977an ospatu zuten aurreneko jaia, Aralarren (Nafarroa). Horregatik, Euzkadi Buru Batzarrak (EBB) bilera egingo du datorren astelehenean, San Migel santutegian.
Mireia Zarate EBBko idazkariak prentsaurrekoan, Bilbon, azaldu duenez, lelo horrek “azken 40 urteetan eskuratutakoa eta datozen urteetan lortu nahi duguna elkartzen ditu, ez da gutxi”.
Alderdi Egunak EAJko milaka jarraitzaile biltzen ditu urtero. Iñigo Urkullu lehendakariak eta Andoni Ortuzar EBBko presidenteak hitz egingo dute aurten bertan.
EAJk Facebook bidez emango du ekitaldia, 360 graduko irudiekin.