Politika -
Kataluniako erreferenduma
Epaile batek Poliziaren eta Guardia Zibilaren oldartzeak ikertuko ditu
Kataluniako Gobernuak salaketa jarri du Estatuko Segurtasun Indarrek erabilitako indarkeriaren aurka.
AGENTZIAK | ERREDAKZIOA
Bartzelonako 7. zenbakiko Instrukzio Epaitegiko arduradunak ikerketa abiatu du Espainiako Poliziak eta Guardia Zibilak Kataluniako erreferenduma galarazteko egindako oldartzeak argitzeko, Generalitateak salaketa aurkeztu eta gero.
Kataluniako Justizia Auzitegi Nagusiak iragarri duenez, Esquadra Mossoen aurkako salaketak ere jaso ditu epaitegi horrek, hauteslekuak ez ixteagatik, eta ikerketa abiatu du hori ere argitzeko.
Katalunikoa Auzitegi Nagusiak ez du argitu zer indarkeria ekintza salatu dituen Generalitateak, baina Kataluniako Gobernuak neurrigabe jokatu izana egotzi die Espainiako Estatuko Segurtasun Indarrei.
