Politika -
DIADA VALENTZIAN
Eskuin muturreko taldeek U-9ko manifestazioari eraso diote Valentzian
Talde faxistetako kideek Diada eguneko mobilizazioan parte hartzen ari ziren hainbat lagun zauritu, mehatxatu eta iraindu dituzte.
AGENTZIAK | ERREDAKZIOA
Urtero urriaren 9an, Diada egunez, Valentzian egin ohi den manifestazioari eraso diote eskuin muturreko taldeek eta hainbat lagun zauritu, mehatxatu eta iraindu dituzte.
Hainbat lekukoren arabera, ehun bat "neonazik" (Espainiak banderak zeramatzaten eta Espainiaren batasunaren aldeko oihuak egin dituzte) manifestazioan parte hartzen ari ziren dozenaka lagun bakartu dituzte eta jo eta iraundu egin dituzte.
Istiluen aurkako Poliziak "puntualki esku hartu du" faxisten eta manifestarien artean, Espainiako Gobernuak Valentzian duen ordezkaritzak berri eman duenez.
Sare sozialetan erasoen hainbat bideo zabaldu dituzte.
Urriaren 9ko manifestazioa Valentzian. Argazkia: EFE
Compromis eta Podem taldeek Juan Carlos Moragues Espainiako Gobernuak Valentzian duen ordezkariaren dimisioa eskatu dute gaurko istiluen erantzule dela iritzita. Ximo Puig eta Monica Oltra, hurrenez hurren, Valentziako Gobernuko presidenteak eta presidenteordeak erasoak gaitzetsi dituzte.