Publizitatea
X

Irratia zuzenean

Memoria Historikoaren Legea: Frankismoko epaiketa baliogabetzeko ekimena

Azken ordua

Bi urtean sozietateen gaineko zerga % 28tik % 24ra jaistea adostu dute EAJk eta PSEk

Itxi

Politika

Memoria Historikoa

Frankismoko epaiketa politikoak baliogabetzeko lehen urratsa eman du Kongresuak

Agentziak | Erredakzioa

2017/11/15

Ekimenak talde parlamentario gehienen babesa dauka. Alderdi Popularrak kontra bozkatu du eta Ciudadanos abstenitu egin da.

  • Partekatu
  • Bidali

Iruzkinak

Espainiako Diputatuen Kongresuak lehen urratsa eman du gaur Memoria Historikoaren Legea erreformatzeko eta frankismo garaian egin ziren epaiketa politikoak baliogabetzeko.

Lege proposamena PDeCATek aurkeztu du eta talde gehienek babestu dute: PSOE, Unidos Podemos, ERC, EAJ eta EH Bildu. Alderdi Popularrak, UPNk eta Foro Asturiasek kontra bozkatu dute; Ciudadanos, berriz, abstenitu egin da.

Memoria Historikoaren Legea 2007ko abenduan onartu zuten.

PDeCATen proposamenak lege horren hirugarren artikulua aldatzea babesten du, frankismo garaiko epaitegiak, epai-mahaiak nahiz bestelako zigor edo organo administratiboak ez-legezkotzat jotzeaz gain, guztiak bertan behera uzteko, "pertsonak arrazoi politiko, ideologiko edo erlijiosoengatik zigortzen zituztelako".

Ildo berean, epaitegi eta organo horiek emandako ebazpen guztiak baliogabetzeko galdegiten du.

Bestalde, Memoria Historikoaren Legea erreformatzeko proposamen gehiago izango dira aurrerantzean. PSOE, esaterako, bere proiektu propioa prestatzen ari da, besteak beste, Francoren hondakinak Eroritakoen Haranetik ateratzeko eta Francisco Franco fundazioa legez kanporatzeko.

Iruzkinak

Publizitatea
Publizitatea

NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena