Publizitatea
X

Irratia zuzenean

Junqueras, Forn, Sanchez eta Cuixart kartzelan mantentzea erabaki du Gorenak

Politika

Auzitegi Gorena

Junqueras, Forn, Sanchez eta Cuixart kartzelan mantentzea erabaki du Gorenak

agentziak | erredakzioa

2017/12/04

Raul Romeva, Carles Mundo, Dolores Bassa, Meritxell Borras, Jordi Turull eta Josep Turull kontseilari kargugabetu bakoitzari 100.000 fidantza ezarri diete eta kalean dira, bermeak ordaindu ostean.

1:17
  • Whatsapp
  • Bidali

Oriol Junqueras Generalitatearen presidenteorde kargugabetua, Joaquin Forn kargugabetutako Barne kontseilaria eta ANC zein Omnium Cultural elkarteetako buruak (Jordi Sanchez eta Jordi Cuixart) espetxean mantentzea erabaki du Pablo Llarena Auzitegi Goreneko epaileak. Aldiz, gainerako sei kontseilari kargugabetu bakoitzari 100.000 euroko fidantza ezarri die.

Epailearen iritzian, ez dago ihes egiteko arriskurik, baina Junqueras, Forn, Sanchez eta Cuixarten kasuetan delitua berriz egiteko arriskua badagoela uste du.

Llarenaren esanetan, "indarkeriazko leherketa bati lotuta daude haien ekintzak eta, errepikatzekotan, pairatzen dutenek ez dute zuzentzeko edo arintzeko aukerarik izango".

Gainerako seiak (Raul Romeva, Carles Mundo, Dolores Bassa, Meritxell Borras, Jordi Turull eta Josep Turull) espetxetik irten dira, bakoitzak 100.000 euro ordaindu baitituzte. Halere, astero aurkeztu beharko dira Kataluniako Justizia Auzitegi Gorenean edo eurek erabakitako epaitegi edo auzitegian, eta herrialdetik irteteko debekua izango dute, pasaportea entregatzeko beharrarekin.

Kartzelatik irten diren kontseilari kargugabetuak. Argazkia: EFE

"Auzipean dauden guztien kasuan, delitua berriz egiteko arriskua dago", baina "ezin da gauza bera esan delituok berriz egiteak egingo lukeen kalteen inguruan", gaineratu du Llarenak.

Hori dela eta, magistratuak Junquersek Fornek eta 'jordiak' deitutako biek kartzelan jarraitzea agin du. Ez, baina, ihes egiteko arriskua dagoelako, ez du uste halakorik gertatuko litzatekeenik, bazik eta delitua berri egiteko arriskua badagoela uste duelako eta arrisku horrek, lau kasu horietan, ondorio "larriak, berehalakoak eta konponezinak" eragingo lituzke.

"Horregatik auzipetu bakoitzaren kasuan neurri berezi bat ezarri da, batzuen kasuan fidantza ezarrita eta, besteen kasuan, baldintzapeko espetxealdia aginduta, nahiz eta guztiek bide legalari ekiteko borondatea agertu duten", azaldu duenez.

Iruzkinak

Publizitatea
Publizitatea
NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena