Politika -

Katalunia

Tanke batetik mehatxu egin zion gizona ikertzeko eskatu du Puigdemontek

Bideoan, “Espainiaren arazoei konponbidea bilatzen” ari zaiola dio gizon batek murrikaz, eta “Puigdemonti ezusteko bat” emango diola.

Carles Puigdemont presidenta. Artxiboko irudia: EFE
Carles Puigdemont presidenta. Artxiboko irudia: EFE
Bi gaztek Puigdemont eta Iglesias mehatxatu dituzte tanke bat erabilita

1:34

Agentziak | Erredakzioa

Whatsapp Facebook Twitter Telegram Email

Tanke baten gainean mehatxu egin zion gizonaren inguruko “ikerketa” bat abiatzea eskatu dio Carles Puigdemont presidentak Mariano Rajoyren Gobernuari. Era berean, “barkamena” eskatu beharko lukeela esan dio Puigdemontek Espainiako Exekutiboari. Bideoa berehala zabaldu da sare sozialetan.

Bideoan, “Espainiaren arazoei konponbidea bilatzen” ari zaiola dio gizon batek murrikaz, eta “Puigdemonti ezusteko bat” emango diola, bitartean kamerarekin tankea enfokatzen du eta mehatxu egiten dio, baita Pablo Iglesias Podemoseko idazkari nagusiari ere: “Maitasun eta demokrazia hutseko 70 tona. Motosdun, hurrengoa zu zara, kabroia. Gora Espainia!”.

Espainiako Gobernuari gertakariak argitzeko eskatu dio Puigdemontek Twitter sare sozialean, ingelesez: “Espainiako soldadu batek tanke baten gainean mehatxu egin digu Pablo Iglesiasi eta niri. Europar Batasunean onartezina da. Espainiako Gobernuak barkamena eskatu eta ikerketa abiatu beharko luke”.

Cospedalen agerraldia eskatu dute ERCk eta PDeCATek

Maria Dolores de Cospedal Defentsa ministroari azalpenak eskatuko dizkiotela iragarri du Joan Tarda ERCren Kongresuko bozeramaileak. Egileari “kargu hartu” beharko lioketela adierazi du Tardak; izan ere, irudiak “ageriko” mehatxu “inplizitu eta esplizituak” dira.

Estatuak Puigdemonti eta Iglesiasi barkamena eskatu beharko liekeela uste du PDeCATek. Miriam Nogueras Defentsa Batzordeko PDeCATen bozeramaileak iragarri duenez, bere alderdiak Cospedalen agerraldia eskatuko du, “militar izan ala ez, errespetu falta horretarako norbaitek material militarra erabili ahal izatea onartezina da”.

PP: “Ez du inolako justifikaziorik”

Bideoan agertzen diren bi zibilen aurkako kereila aurkeztu ala ez Fiskaltzak erabaki beharko duela esan du Rafael Catala Justizia ministroak.

Gertakariak “inolako justifikaziorik ez” duela uste du PPk, eta Defentsa Ministerioak erantzukizunak argitzea espero du. Fernando Martinez Maillo PPko koordinatzaile nagusiaren hitzetan, “ez du inolako justifikaziorik”, baina “gertakari bakana” eta “inguruabar oso zehatza” da, eta Defentsa Ministerioak “ez du zerikusirik horretan”.

Hau zure interesekoa bada, baliteke beste gai hauek ere izatea
Kataluniako albisteak Politika Kataluniako erreferenduma gaur Espainia argazkiak Pablo Iglesias politikari ohia Gaurko azken ordukoa Podemos albisteak Pere Aragonès albisteak